ബം​ഗളൂരു: മലയാളി നീന്തൽ പരിശീലകൻ ബം​ഗളൂരുവിൽ സ്വിമ്മിങ് പൂളിൽ വീണു മരിച്ചു. പാലക്കാട് കൊടുവായൂർ സ്വദേശി അരുൺ ആണ് മരിച്ചത്. ഇന്ദിരാ ന​ഗർ എച്എഎൽ സെക്കന്റ് സ്റ്റേജിൽ പ്രവർത്തിക്കുന്ന സ്വിമ്മിങ് അക്കാദമിയിലെ നീന്തൽ കുളത്തിൽ കുഴഞ്ഞു വീഴുകയായിരുന്നു. ഇന്നലെ വൈകീട്ടാണ് അപകടം. 

അക്കാദമിയിലെ നീന്തൽ പരിശീലകനായ അരുൺ രണ്ട് മാസം മുൻപാണ് ഇവിടെ ജോലിക്ക് ചേർന്നത്. മരണ കാരണം സംബന്ധിച്ചു വ്യക്തത വന്നിട്ടില്ല. ഹൃദയാഘാതമാണ് മരണ കാരണം എന്നാണ് പ്രാഥമിക നി​ഗമനം. 

മൃതദേഹം ചിന്മയ മിഷൻ ആശുപത്രിയിൽ. പോസ്റ്റുമോർട്ടത്തിനു ശേഷം മൃത​​ദേഹം ബന്ധുക്കൾക്ക് കൈമാറും.

ഈ വാര്‍ത്ത കൂടി വായിക്കൂ 

'പിണറായിയെക്കുറിച്ചല്ല പറഞ്ഞത്'- പ്രസ്താവനയിൽ മലക്കം മറിഞ്ഞ് ദേവ​ഗൗഡ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ