തൃശൂർ: ട്രാന്സ് വുമണ് ദീപ്തി കല്യാണിക്കെതിരായ അധിക്ഷേപ പരാമര്ശത്തിൽ ഇന്ഫ്ലുവന്സര് ഹെലന് ഓഫ് സ്പാര്ട്ട എന്ന ധന്യ ഹര്ഷിദിനെതിരെ പൊലീസ് കേസെടുത്തു. തൃശ്ശൂര് സിറ്റി പൊലീസ് കമ്മീഷണര്ക്ക് ലഭിച്ച പരാതിയുടെ അടിസ്ഥാനത്തില് തൃശൂര് സൈബര് പോലീസാണ് കേസെടുത്തിരിക്കുന്നത്.
രണ്ട് വര്ഷം വരെ തടവ് ലഭിക്കാവുന്ന വകുപ്പുകള് ചുമത്തിയാണ് കേസെടുത്തത്. ആറ് വകുപ്പുകള് പ്രകാരമാണ് കേസെടുത്തിട്ടുള്ളത്. ബിഎൻഎസ്, ഐടി ആക്ട്, കേരള പൊലീസ് ആക്ട്, ട്രാന്സ്ജെന്ഡര് പ്രൊട്ടക്ഷന് ആക്ട് തുടങ്ങിയവ പ്രകാരമാണ് കേസെടുത്തിരിക്കുന്നത്.
കഴിഞ്ഞ ദിവസമാണ് ദീപ്തി കല്യാണിയേയും സുഹൃത്തിനേയും അധിക്ഷേപിച്ചുകൊണ്ട് ഹെലന് ഓഫ് സ്പാര്ട്ട സോഷ്യല് മീഡിയയില് വിഡിയോ പങ്കുവച്ചത്. വിഡിയോയില് ദീപ്തിക്കെതിരെ അതിരൂക്ഷവും അധിക്ഷേപവുമായ പരാമർശങ്ങൾ ധന്യ നടത്തിയിരുന്നു. ഇതേതുടര്ന്ന് ദീപ്തി കല്യാണി സിറ്റി പൊലീസ് കമ്മീഷണര്ക്ക് പരാതി സമര്പ്പിക്കുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates