ബ്രൗണ്‍ഷുഗര്‍ കൈമാറാനെത്തി; അസം സ്വദേശി ആലുവയില്‍ പിടിയില്‍

കൊച്ചി: ബ്രൗണ്‍ ഷുഗറുമായി ഇതര സംസ്ഥാനക്കാരന്‍ ആലുവയില്‍ പിടിയില്‍. അസം സ്വദേശി ഇതിരീസ് അലിയെയാണ് എക്‌സൈസ് പിടികൂടിയത്. 22 ഗ്രാം ബ്രൗണ്‍ ഷുഗര്‍ ഇയാളില്‍ നിന്നും കണ്ടെടുത്തു.

മയക്കുമരുന്ന് മറ്റൊരാള്‍ക്ക് കൈമാറാനായി എത്തിയപ്പോഴാണ് ഇയാള്‍ പിടിയിലായത്. മഹിളാലയം പാലത്തിന് സമീപം വെച്ചായിരുന്നു ബ്രൗണ്‍ ഷുഗറുമായി ഇതിരീസ് അലി പിടിയിലാകുന്നത്.

സംശയം തോന്നി ഇതിരീസ് അലിയെ എക്‌സൈസ് ഉദ്യോഗസ്ഥര്‍ പരിശോധന നടത്തിയപ്പോഴാണ് മയക്കുമരുന്ന് കണ്ടെടുത്തത്. കൊച്ചി തൃക്കാക്കരയില്‍ എംഡിഎംഎയുമായി യുവാവിനെ പൊലീസ് പിടികൂടിയിരുന്നു. ആലപ്പുഴ സ്വദേശി സെയ്ദലിയാണ് അറസ്റ്റിലായത്. 38.75 ഗ്രാം എംഡിഎംഎ കണ്ടെടുത്തു.