കൊച്ചി: സിനിമാ മേഖലയിലെ സ്ത്രീകള് നേരിടുന്ന പ്രശ്നങ്ങള് പഠിച്ച് പരിഹാരം നിര്ദേശിക്കാനായി സര്ക്കാര് നിയോഗിച്ച ഹേമ കമ്മീഷന്റെ റിപ്പോര്ട്ട് റിപ്പോര്ട്ട് പുറത്തുവിടുന്നതില് വീണ്ടും അനിശ്ചിതത്വം. അന്തിമ തീരുമാനം നാളെ രാവിലെ ഉണ്ടാകൂ എന്നാണ് സൂചന. കോടതിയെ സമീപിച്ചതായി നടി രഞ്ജിനി സര്ക്കാരിനെ അറിയിച്ചതാണ് അനിശ്ചിതത്വത്തിന് കാരണം. ഇത് കണക്കിലെടുത്താണ് റിപ്പോര്ട്ട് പുറത്ത് വിടുന്നതില് നാളെ അന്തിമ തീരുമാനമെടുക്കാമെന്ന് സര്ക്കാര് അറിയിച്ചിരിക്കുന്നത്.
റിപ്പോര്ട്ടിന്റെ കോപ്പി ലഭിച്ചിട്ടില്ലെന്നും റിപ്പോര്ട്ടില് എന്താണുള്ളതെന്ന് അറിയണമെന്നുമാണ് നടിയുടെ ഹര്ജിയിലെ ആവശ്യം. നാളെ ഹേമ കമ്മിറ്റി റിപ്പോര്ട്ട് പുറത്തു വിടാനിരിക്കെയാണ് രഞ്ജിനി കോടതിയെ സമീപിച്ചത്. രഞ്ജിനിയുടെ ഹര്ജി തിങ്കളാഴ്ച പരിഗണിക്കും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
നേരത്തെ ഹേമ കമ്മിറ്റി റിപ്പോര്ട്ട് ഓഗസ്റ്റിന് 17-ന് പുറത്തുവിടുമെന്നാണ് അറിയിച്ചിരുന്നത്. 233 പേജുള്ള റിപ്പോര്ട്ട് പുറത്തുവിടുമെന്നാണ് വിവരങ്ങള്. നേരത്തെ പരസ്യമാക്കാന് സാധിക്കില്ലെന്ന് അറിയിച്ചിരുന്ന ഭാഗങ്ങള് ഒഴിവാക്കിത്തന്നെയാണ് റിപ്പോര്ട്ട് പുറത്തുവിടുക. സിനിമാ മേഖലയിലെ സ്ത്രീകള് നേരിടുന്ന പ്രശ്നങ്ങളും നീതിനിഷേധങ്ങളും തൊഴില്സാഹചര്യങ്ങളുമൊക്കെ പഠിക്കാന് രാജ്യത്താദ്യമായി രൂപീകരിച്ച കമ്മീഷനാണ് ഹേമ കമ്മിറ്റി. 2017ല് നിയോഗിക്കപ്പെട്ട സമിതി ആറു മാസത്തിനകം പഠനറിപ്പോര്ട്ട് സമര്പ്പിക്കണം എന്നായിരുന്നു സര്ക്കാര് ആവശ്യപ്പെട്ടിരുന്നത്. 2019 ഡിസംബറില് കമ്മീഷന് സര്ക്കാരിന് റിപ്പോര്ട്ട് സമര്പ്പിക്കുകയും ചെയ്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates