തിരുവനന്തപുരം: സംസ്ഥാനത്തെ എല്ലാ സര്ക്കാര് ഓഫീസുകളിലും നാപ്കിന് വെന്ഡിംഗ് മെഷീനും ഇന്സിനറേറ്ററും സ്ഥാപിക്കാന് നിര്ദേശം നല്കിയതായി ആരോഗ്യ സാമൂഹ്യനീതി വനിത ശിശുവികസന വകുപ്പ് മന്ത്രി കെ കെ ശൈലജ. സ്ത്രീ സൗഹൃദ തൊഴില് അന്തരീക്ഷം ഉറപ്പാക്കുന്നതിന്റെ ആദ്യപടിയായാണ് നടപടി.
പ്രധാനപ്പെട്ടതും കൂടുതല് സ്ത്രീ ജീവനക്കാര് ജോലി ചെയ്യുന്നതുമായ വിവിധ വകുപ്പുകളുടെ കാര്യാലയങ്ങളിലാണ് സാനിറ്ററി നാപ്കിന് വെന്ഡിംഗ് മെഷീനും എല്ലാ ടോയ്ലെറ്റുകളിലും ഇന്സിനറേറ്ററുകളും സ്ഥാപിക്കാന് നിര്ദേശം നല്കിയത്. അതാത് വകുപ്പുകളുടെ ജെന്ഡര് ബജറ്റില് നിന്നും തുക വിനിയോഗിച്ചായിരിക്കും ഇവ സ്ഥാപിക്കുകയെന്നും മന്ത്രി വ്യക്തമാക്കി.
സ്ത്രീ സൗഹൃദ തൊഴില് അന്തരീക്ഷം ഉറപ്പാക്കുന്നതിന്റെ ഭാഗമായാണ് തൊഴില് സ്ഥലങ്ങളില് ആര്ത്തവ കാലത്ത് ഉദ്യോഗസ്ഥരായ സ്ത്രീകള് അനുഭവിക്കുന്ന ബുദ്ധിമുട്ടുകള് പരിഗണിച്ച് നാപ്കിന് വെന്ഡിംഗ് മെഷീനും ഇന്സിനറേറ്ററും തൊഴിലിടങ്ങളില് സ്ഥാപിക്കാന് നിര്ദേശം നല്കിയത്. സ്ത്രീകള് ഇക്കാര്യത്തില് അനുഭവിക്കുന്ന ബുദ്ധിമുട്ടുകള് പരിഹരിക്കുന്നതിന് ഇത് ഒരു പരിധിവരെ സഹായകമാകുന്നതാണ.് അംഗീകൃത ഏജന്സി വഴിയോ താത്പര്യപത്രം ക്ഷണിച്ചോ ഇവ ഓഫീസുകളില് സ്ഥാപിക്കാനാണ് നിര്ദേശം നല്കിയതെന്നും മന്ത്രി പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates