കോട്ടയം: യുഎസിലുള്ള സഹോദരീഭര്‍ത്താവിന്റെ മൊബൈല്‍ ഹാക്ക് ചെയ്ത് റിട്ട.എയര്‍ഫോഴ്‌സ് ഉദ്യോഗസ്ഥനില്‍ നിന്നു പണം തട്ടാന്‍ ശ്രമം. തനിക്ക് വന്ന ഇംഗ്ലീഷ് മെസേജില്‍ അക്ഷരത്തെറ്റ് കണ്ടതോടെ കുറുപ്പന്തറ ചിറയില്‍ ജേക്കബ് തോമസിന് സംശയം തോന്നിയതാണ് പണം നഷ്ടമാവാതിരിക്കാന്‍ കാരണം.

സുഹൃത്തിന് അപകടം സംഭവിച്ചെന്നും ശസ്ത്രക്രിയയ്ക്കായി ഒന്നര ലക്ഷം രൂപ അടിയന്തരമായി അയയ്ക്കണമെന്നും കാണിച്ചാണ് ജേക്കബിന്റെ വാട്‌സ്ആപ്പില്‍ മെസേജ് എത്തിയത്. യുഎസിലുള്ള സഹോദരീഭര്‍ത്താവ് ഞീഴൂര്‍ തത്തംകുളം ഫിലിപ്‌സണിന്റെയും ഭാര്യ ഷിനുവിന്റെയും ഒരുമിച്ചുള്ള ചിത്രം പ്രൊഫൈല്‍ പിക്ചറായിട്ടുള്ള വാട്‌സ്ആപ്പ് അക്കൗണ്ടില്‍ നിന്നാണ് സന്ദേശം ലഭിച്ചത്.

എന്നാല്‍ അക്ഷരത്തെറ്റ് കണ്ടതോടെ ജേക്കബ് തോമസിന് സംശയം തോന്നി. ഉടന്‍ തന്നെ ഷിനുവിനെ വിളിച്ചതോടെയാണ് മെസേജ് തട്ടിപ്പാണ് എന്ന് വ്യക്തമായത്.