ഹോർമൂസ് കടലിടുക്കിൽ ലാറക് ദ്വീപിലെ ഇറാൻ സൈകി കേന്ദ്രങ്ങൾക്ക് യുഎസ് വ്യോമാക്രമണം നടത്തി. നേപ്പാൾ മിന്നൽ പ്രളയത്തിൽ മരണം 800 കവിഞ്ഞു. ഹൽദ്വാനി ശുദ്ധീകരണ വിവാദത്തിൽ രാഹുൽ ​ഗാന്ധിക്കെതിരെ കേസ്. ഇന്നത്തെ 5 പ്രധാന വാർത്തകൾ ( Top 5 News Today) അറിയാം.

ഇറാനുനേരെ വീണ്ടും അമേരിക്കയുടെ വ്യോമാക്രമണം. ഹോര്‍മുസ് കടലിടുക്കിന് സമീപത്തെ ലാറക് ദ്വീപിലെ ഇറാനിയന്‍ സൈനിക കേന്ദ്രങ്ങള്‍ക്കുനേരെയാണ് ആക്രമണം നടത്തിയത്. ആക്രമണത്തില്‍ അമേരിക്കയ്ക്ക് കനത്ത തിരിച്ചടി നല്‍കുമെന്ന് ഇറാന്‍ സൈന്യം പ്രതികരിച്ചു. യു എസ് സൈനികമായും സാമ്പത്തികമായും വലിയ വിലനല്‍കേണ്ടിവരുമെന്ന് ഐആര്‍ജിസി മുന്നറിയിപ്പ് നല്‍കി.

നേപ്പാള്‍ മിന്നല്‍ പ്രളയത്തില്‍ മരണസംഖ്യ 800 കവിഞ്ഞു. മൂവായിരത്തോളം പേരെ കാണാതായിട്ടുണ്ടെന്നാണ് ഏറ്റവും ഒടുവിലത്തെ റിപ്പോര്‍ട്ട്. കാണാതായവര്‍ക്കായി രക്ഷാപ്രവര്‍ത്തനം തുടരുകയാണ്.  275 ഇന്ത്യന്‍ പൗരന്മാരെയും ഇന്ത്യന്‍ വംശജരായ 128 പേരെയും കാണാതായതായി വിദേശകാര്യ മന്ത്രാലയം അറിയിച്ചു. 900 ഇന്ത്യക്കാര്‍ ചൈനീസ് പക്ഷത്തുണ്ട്. അവര്‍ സുരക്ഷിതരാണെന്നും വിദേശകാര്യമന്ത്രാലയം വ്യക്തമാക്കി. 

സ്ത്രീകളെ പൊതുരംഗത്തിറക്കിയാല്‍ വന്‍ നാശമെന്ന് ആവര്‍ത്തിച്ച് കാന്തപുരം എപി അബൂബക്കര്‍ മുസലിയാര്‍. പെണ്ണുങ്ങള്‍ വീട്ടില്‍ അടങ്ങിയൊതുങ്ങി ഇരിക്കണം. പര്‍ദ ഏര്‍പ്പെടുത്തിയത് അതുകൊണ്ടാണ്. മുസ്ലിം സമുദായത്തെക്കുറിച്ച് പറയാന്‍ തനിക്ക് അധികാരമുണ്ട്. പറയാനുള്ളത് പറയുക തന്നെ ചെയ്യും. ആരെങ്കിലും എന്തെങ്കിലും പറയുന്നത് കേട്ട് പേടിച്ചോടില്ലെന്നും കാന്തപുരം വ്യക്തമാക്കി.

ഹല്‍ദ്വാനി ശുദ്ധീകരണ വിവാദത്തില്‍ കോണ്‍ഗ്രസ് നേതാവ് രാഹുല്‍ ഗാന്ധിക്കെതിരെ കേസ്. ഉത്തരാഖണ്ഡിലെ ഹല്‍ദ്വാനിയിലാണ് കേസ് രജിസ്റ്റര്‍ ചെയ്തത്. മതപരമായ ചടങ്ങിന് രാഹുല്‍ ഗാന്ധി ജാതീയമായ വ്യാഖ്യാനം നല്‍കിയെന്ന് ആരോപിച്ചാണ് കേസ്. വാല്‍മീകി സമുദായത്തില്‍പ്പെട്ട അമിത് കുമാര്‍ നല്‍കിയ പരാതിയിലാണ് എഫ്‌ഐആര്‍ രജിസ്റ്റര്‍ ചെയ്തത്.

തീരുമാനിച്ച കാര്യങ്ങളിൽ നല്ല മുന്നേറ്റമുണ്ടാകും. സാമ്പത്തിക ചിലവ് അധികമാകും. പ്രധാനപ്പെട്ട ഒരു കൂടിക്കാഴ്ച ഗുണകരമാകും. കുടുംബത്തോടൊപ്പം ഉള്ള യാത്രയ്ക്ക് അവസരമുണ്ടാകും. വരുമാനം വർദ്ധിക്കും. ബന്ധങ്ങളിൽ സന്തോഷകരമായ മാറ്റമുണ്ടാകും. വാഹനവുമായി ബന്ധപ്പെട്ട കാര്യങ്ങളിൽ നേട്ടമുണ്ടാകും. വിശേഷ വസ്ത്രങ്ങൾ സമ്മാനമായി ലഭിക്കും.