മലപ്പുറം: നിലമ്പൂരിൽ കോൺ​ഗ്രസ് സ്ഥാനാർഥി ആര്യാടൻ ഷൗക്കത്ത് ജയിക്കുമെന്ന് പ്രവചിച്ച് റാഷിദ് സിപി. മുൻപ് നാല് സംസ്ഥാനങ്ങളിലെ നിയമസഭാ തെരഞ്ഞെടുപ്പ് ഫലം കൃത്യമായി പ്രവചിച്ച് ഞെട്ടിച്ച ആളാണ് റാഷിദ്. കോഴിക്കോട് സ്വദേശിയായ റാഷിദ് പ്രവാസിയാണ്. തെരഞ്ഞെടുപ്പ് വിലയിരുത്തലുകളുമായി മാധ്യമങ്ങളിൽ റാഷിദ് എത്താറുണ്ട്. ആര്യാടന്റെ ജയത്തിലേക്ക് നയിക്കുന്ന ഫാക്ടറുകളും റാഷിദ് വിവരിക്കുന്നുണ്ട്.

12,100 മുതൽ 16,000 വരെ വോട്ടിന്റെ ഭൂരിപക്ഷത്തിൽ ആര്യാടൻ ഷൗക്കത്ത് ജയിക്കുമെന്നാണ് റാഷിദിന്റെ പ്രവചനം. 46.5 ശതമാനം മുതൽ 49 ശതമാനം വരെ വോട്ടുകൾ ഷൗക്കത്ത് നേടുമെന്നും റാഷിദ് പറയുന്നു. എൽഡിഎഫ് രണ്ടാം സ്ഥാനത്തെത്തുമെന്നുമാണ് റാഷിദിന്റെ പ്രവചനം. 40.5 ശതമാനം മുതൽ 43 ശതമാനം വരെ വോട്ടാണ് എം സ്വരാജിനു കിട്ടുക എന്നുമാണ് പ്രവചനം. പിവി അൻവർ മണ്ഡലത്തിൽ ഒരു ചലനവും സൃഷ്ടിച്ചില്ലെന്നാണ് റാഷിദ് പറയുന്നത്. 4.5 ശതമാനം മുതൽ 7 ശതമാനം വോട്ടുകൾ മാത്രമാണ് അൻവർ നേടുക. ബിജെപിയ്ക്ക് 4 ശതമാനം മുതൽ 6.5 ശതമാനം വരെ വോട്ടുകൾ കിട്ടുമെന്നും റാഷിദ് വ്യക്തമാക്കുന്നു. ഫെയ്സ്ബുക്കിലാണ് റാഷിദ് കണക്കുകൾ പങ്കിട്ടത്.

നിലമ്പൂര്‍ ഉപതെരഞ്ഞെടുപ്പില്‍ 73.20 ശതമാനം പോളിങ്

റാഷിദിന്റെ പ്രവചനം

യു ഡി എഫ് 46.5% - 49 %

എൽ ഡി എഫ് 40.5% - 43 %

പി വി അൻവർ 4.5 % - 7 %

ബി ജെ പി 4 % - 6.5 %

യു ഡി എഫ് സ്ഥാനാർഥി, ആര്യാടൻ ഷൗക്കത്ത് 12100 മുതൽ 16000 വരെ വോട്ടിന്റെ ഭൂരിപക്ഷത്തിൽ വിജയിക്കും.

നിലമ്പൂരിന്റെ സമീപകാല ചരിത്രത്തിൽ ലീഗിന്റേയും, കോൺഗ്രസ്സിന്റെയും പൊളിറ്റിക്കൽ വോട്ടുകൾ ഒറ്റ കെട്ടായി പോൾ ചെയ്യപ്പെട്ടു. ഒപ്പം, സർക്കാർ വിരുദ്ധ വോട്ടുകളും. അത്തരം സാഹചര്യങ്ങളിൽ വ്യക്‌തിഗത മികവ് കൊണ്ട് മാത്രം പിടിച്ചു നിൽക്കാനാവില്ല.

കുട്ടനാട് താലൂക്കിൽ വിദ്യാഭ്യാസ സ്ഥാപനങ്ങൾക്ക് നാളെ അവധി