കല്‍പ്പറ്റ: കേരള-കര്‍ണാടക അതിര്‍ത്തിയിലെ ബാവലിക്കു സമീപം പാഞ്ഞടുത്ത കാട്ടാനയില്‍ നിന്ന് അത്ഭുതകരമായി രക്ഷപ്പെട്ട് വിദ്യാര്‍ഥി. ഇവര്‍ക്കു പിറകിലായി ഉണ്ടായിരുന്ന ലോറി ഡ്രൈവറുടെ സമയോചിത ഇടപെടലാണ് വിദ്യാര്‍ഥിക്കു ജീവന്‍ തിരിച്ചുകിട്ടാന്‍ കാരണമായത്. സംഭവത്തിന്റെ വിഡിയോ ദൃശ്യങ്ങള്‍ പുറത്തുവന്നിട്ടുണ്ട്.

ഇന്നു രാവിലെയാണു സംഭവം. മൈസൂരില്‍ പഠിക്കുന്ന വിദ്യാര്‍ഥികളാണ് കര്‍ണാടകയിലെ നാഗര്‍ഹോള വനത്തില്‍ കാട്ടാനയുടെ മുന്നില്‍പ്പെട്ടത്. രണ്ട് ബൈക്കുകളില്‍ വിദ്യാര്‍ഥികള്‍ പോകുകയായിരുന്നു. മുന്നില്‍ പോയിരുന്ന ബൈക്കിലെ വിദ്യാര്‍ഥിയാണ് കാട്ടാനയുടെ മുന്നില്‍പ്പെട്ടത്. പിന്നില്‍ മറ്റൊരു ബൈക്കിലും വിദ്യാര്‍ഥികളുണ്ടായിരുന്നു.

കൊല്ലത്ത് ഓടിക്കൊണ്ടിരുന്ന സ്‌കൂള്‍ ബസിന് തീപിടിച്ചു; പൂര്‍ണമായി കത്തിനശിച്ചു

കാട്ടാനയെ കണ്ട് ഭയന്ന് ബൈക്ക് തിരിക്കാന്‍ ശ്രമിക്കുന്നതിനിടെ, വിദ്യാര്‍ഥി ബൈക്കില്‍ നിന്ന് വീണപ്പോള്‍ പിന്നാലെയെത്തിയ ലോറി ഡ്രൈവര്‍ നിര്‍ത്താതെ ഹോണടിച്ചതോടെ കാട്ടാന പിന്തിരിഞ്ഞു. അതിനിടെ വിദ്യാര്‍ഥി ഓടി ലോറിയില്‍ കയറി രക്ഷപ്പെടുകയായിരുന്നു.