തിരുവനന്തപുരം: ഓട്ടോ ഡ്രൈവരെ പൊലീസ് മര്ദിച്ചതായി പരാതി. തിരുവനന്തപുരം നാലാഞ്ചിറ സ്വദേശി ദസ്തക്കീറിനെ മണ്ണന്തല പൊലീസ് മര്ദിച്ചെന്നാണു ആരോപണം. ദസ്തക്കീര് മദ്യപിച്ച് വീട്ടില് പ്രശ്നമുണ്ടാക്കിയതോടെ ഭാര്യയാണ് പൊലീസില് വിവരം അറിയിച്ചത്. ദസ്തക്കീറിനെ സ്റ്റേഷനിലെത്തിച്ചു പൊലീസ് മര്ദിച്ചെന്നാണു കുടുംബത്തിന്റെ ആരോപണം.
ജാമ്യത്തിലിറങ്ങിയ ദസ്തക്കീര് വീട്ടിലെത്തിയത് അവശനിലയിലാണെന്നും ബന്ധുക്കള് പറഞ്ഞു. തുടര്ന്ന് ഇയാളെ ആശുപത്രിയില് പ്രവേശിപ്പിക്കുകയായിരുന്നു. ഇയാള് നിലവില് ആശുപത്രിയില് ചികിത്സയില് കഴിയുകയാണ്. കാലിന്റെ തുടഭാഗത്തുള്ള പരിക്ക് പൊലീസ് മര്ദനത്തില് സംഭവിച്ചതാണെന്നാണ് ആരോപണം.
എന്നാല്, മര്ദനാരോപണം മണ്ണന്തല പൊലിസ് നിഷേധിച്ചു. പിടികൂടാന് ശ്രമിച്ചപ്പോള് ഇയാള് പൊലിസിനെ വെട്ടിച്ച് ഓടി രക്ഷപ്പെടാന് ശ്രമിച്ചിരുന്നു. ഇതിനിടെ ഉണ്ടായ ബലപ്രയോഗത്തിന്റെ പരിക്കുകളാണ് ശരീരത്തില് എന്നും മനഃപൂര്വമായ മര്ദനം ഉണ്ടായിട്ടില്ലെന്നാണ് പൊലീസിന്റെ വാദം. പൊലീസ് മര്ദനത്തെ കുറിച്ച് ആരോപണം ഉയര്ത്തുമ്പോഴും വിഷയത്തില് ഔദ്യോഗികമായി പരാതി നല്കിയിട്ടില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates