തിരുവനന്തപുരം: ഭൂട്ടാൻ-നോർത്ത് ഈസ്റ്റ് സമ്മർ സ്പെഷ്യൽ ട്രെയിൻ ഏപ്രിൽ 25 ന് യാത്ര ആരംഭിക്കും. 14 ദിവസം നീളുന്ന യാത്രയാണ് സംഘടിപ്പിച്ചിട്ടുള്ളത്. ഭാരത് ഗൗരവ് ട്രെയിനിനു കീഴിലുള്ള സൗത്ത് സ്റ്റാർ റെയിലും ടൂർ ടൈംസും ചേർന്നാണ് ഭൂട്ടാനിലേക്കും വടക്കുകിഴക്കൻ സംസ്ഥാനങ്ങളിലേക്കും സമ്മർ സ്പെഷ്യൽ ട്രെയിൻ യാത്ര സംഘടിപ്പിരിക്കുന്നത്.
മൂന്ന് പാക്കേജുകളാണ് ഉപഭോക്താക്കൾക്കായി ഒരുക്കിയിട്ടുള്ളതെന്ന് ടൂർ ടൈംസ് ഡയറക്ടർ വിഘ്നേഷ് വാർത്താ സമ്മേളനത്തിൽ അറിയിച്ചു. ആദ്യത്തെ പാക്കേജിൽ ഗാങ്ടോക്, ഡാർജിലിങ് എന്നിവയും രണ്ടാമത്തെ പാക്കേജിൽ വടക്കുകിഴക്കൻ സംസ്ഥാനങ്ങളിലെ ഗുവാഹട്ടി, ഷില്ലോങ്, ചിറാപുഞ്ചി, മൗലിനോങ്, ഡൗകി എന്നിവിടങ്ങളുമാണ് ഉൾപ്പെടുത്തിയിരിക്കുന്നത്. മൂന്നാമത്തെ പാക്കേജിൽ ഭൂട്ടാനിലെ തിമ്പു, പുനാഖ, പാറോ, ചെലെ ലാ പാസ് തുടങ്ങിയ വിനോദസഞ്ചാരകേന്ദ്രങ്ങളാണുള്ളത്.
ഇൻഷുറൻസ്, ഹോട്ടലുകളിലെ താമസസൗകര്യം, കാഴ്ചകൾ കാണാൻ പോകുന്നതിനുള്ള വാഹനങ്ങൾ, ഭക്ഷണം എന്നിവ ലഭിക്കും. ഭാരത് ഗൗരവ് ട്രെയിനിന് കേരളത്തിൽ 8 സ്റ്റോപ്പുകളുണ്ട്. മധുരയിൽ നിന്നു പുറപ്പെടുന്ന ട്രെയിനിൽ തിരുവനന്തപുരം, കൊല്ലം, കായംകുളം, കോട്ടയം, എറണാകുളം, തൃശ്ശൂർ, ഒറ്റപ്പാലം, പാലക്കാട് എന്നിവിടങ്ങളിൽ നിന്ന് യാത്രക്കാർക്കു കയറാം. വിശദവിവരങ്ങൾക്ക് ബന്ധപ്പെടുക. www.tourtimes.in. ഫോൺ: 7305858585.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates