കൊച്ചി:വൈദ്യുതി കമ്പിയില്‍ കുരുങ്ങി ജീവനു വേണ്ടി പിടഞ്ഞ 2 പ്രാവുകളെ കെഎസ്ഇബി ജീവനക്കാര്‍ രക്ഷപ്പെടുത്തി. എറണാകുളം ആലുവ മുനിസിപ്പല്‍ പാര്‍ക്കിനു സമീപം സപ്ലൈകോ ഡിപ്പോയുടെ എതിര്‍വശത്തെ പോസ്റ്റിലാണു സംഭവം.
ഡിപ്പോയില്‍ നിലത്തു വീഴുന്ന ധാന്യമണികള്‍ കൊത്തിത്തിന്നാന്‍ എത്തുന്ന പ്രാവുകളാണ് അപകടത്തില്‍പ്പെട്ടത്. പ്രാവുകളുടെ കാലുകളിലെ ചരട് വൈദ്യുതി കമ്പിയില്‍ കുരുങ്ങുകയായിരുന്നു.മിണ്ടാപ്രാണികളുടെ പിടച്ചില്‍ ശ്രദ്ധയില്‍പ്പെട്ട ഡിപ്പോ മാനേജര്‍ സനൂപ് വാര്‍ഡിലെ മുന്‍ കൗണ്‍സിലര്‍ സെബി വി ബാസ്റ്റിനെ വിവരം അറിയിച്ചു. അദ്ദേഹം കെഎസ്ഇബി നോര്‍ത്ത് സെക്ഷനില്‍ വിളിച്ചു പറഞ്ഞു.
ജീവനക്കാരായ കെ കെ അബ്ദുല്‍ റസാഖ്, ഡി.ആര്‍. മനോജ്, പി ജി സുരേഷ് ബാബു, എം എന്‍ കുഞ്ഞുമോന്‍ എന്നിവര്‍ സ്ഥലത്തെത്തി. മനോജാണു പോസ്റ്റിനു മുകളില്‍ കയറി പ്രാവുകളെ കുരുക്കഴിച്ചു പറത്തിവിട്ടത്. മറ്റുള്ളവര്‍ സഹായ നിര്‍ദേശങ്ങളുമായി താഴെ നിന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates