കോഴിക്കോട് കട്ടിപ്പാറയില് എയ്ഡഡ് സ്കൂള് അധ്യാപിക ജീവനൊടുക്കി. കോഴിക്കോട് കട്ടിപ്പാറ സ്വദേശി അലീന ബെന്നിയാണ് മരിച്ചത്. 29 വയസ്സായിരുന്നു. ശമ്പളം കിട്ടാത്തതിന്റെ മനോവിഷമത്തില് ജീവനൊടുക്കിയതെന്നാണ് കുടുംബത്തിന്റെ ആരോപണം. താമരശേരി രൂപതാ കോര്പ്പറേറ്റ് മാനേജ്മെന്റിന് കീഴിലുള്ള കോടഞ്ചേരി സെന്റ് ജോസഫ് എല്പി സ്കൂളിലെ അധ്യാപികയാണ് അലീന.. പാലക്കാട് എലപ്പുള്ളിയില് മദ്യനിര്മാണശാലയുമായി മുന്നോട്ടുപോകുമെന്ന് മുഖ്യമന്ത്രി പിണറായി വിജയന്. ഇക്കാര്യം സര്ക്കാര് തിരുമാനിച്ചതാണെന്നും മുഖ്യമന്ത്രി എല്ഡിഎഫ് യോഗത്തില് അറിയിച്ചു. എംഎന് സ്മാരകത്തില് ചേര്ന്ന യോഗത്തില് സിപിഐ എതിര്പ്പറിയിച്ചെങ്കിലും നിലപാടില് മാറ്റമില്ലെന്ന് മുഖ്യമന്ത്രി അറിയിക്കുകയായിരുന്നു..സസ്പെന്സുകള്ക്ക് വിരാമം. രേഖാ ഗുപ്ത ഡല്ഹിയുടെ പുതിയ മുഖ്യമന്ത്രിയാകും. ഡല്ഹിയില് ചേര്ന്ന എംഎല്എമാരുടെ യോഗത്തിലാണ് തീരുമാനം. സുഷമ സ്വരാജ്, ഷീല ദീക്ഷിത്, അതിഷി എന്നിവര്ക്ക് ശേഷം ഡല്ഹിയുടെ നാലാമത്തെ വനിതാ മുഖ്യമന്ത്രിയായി രേഖ ഗുപ്ത വ്യാഴാഴ്ച സത്യപ്രതിജ്ഞ ചെയ്യും. രാംലീലാ മൈതാനത്താണ് സത്യപ്രതിജ്ഞ നടക്കുക.മൂന്നാർ എക്കോ പോയിന്റിനു സമീപം ടൂറിസ്റ്റ് ബസ് മറിഞ്ഞു അപകടം. അപകടത്തിൽ മൂന്ന് വിദ്യാർഥികൾ മരിച്ചു. നാഗർകോവിൽ സ്കോട്ട് ക്രിസ്ത്യൻ കോളജ് വിദ്യാർഥികളായ ആദിക, വേണിക, സുതൻ എന്നിവരാണ് മരിച്ചത്. അപകടത്തിൽ ഒട്ടേറെപ്പേർക്കു ഗുരുതരമായി പരുക്കേറ്റു. വിനോദയാത്രയ്ക്ക് പോയ വാഹനമാണ് അപകടത്തിൽപെട്ടത്.. കേരള പബ്ലിക് സര്വ്വീസ് കമ്മീഷന് ചെയര്മാന്, അംഗങ്ങള് എന്നിവരുടെ ശമ്പളവും ആനുകൂല്യങ്ങളും പരിഷ്ക്കരിക്കാന് മന്ത്രിസഭായോഗം തീരുമാനിച്ചു. ചെയര്മാന് ജില്ലാ ജഡ്ജിമാരുടെ സൂപ്പര് ടൈം സ്കെയിലിലെ പരമാവധി തുകയ്ക്കു തുല്യവും അംഗങ്ങള്ക്ക് ജില്ലാ ജഡ്ജിമാരുടെ സെലക്ഷന് ഗ്രേഡ് സ്കെയിലിലെ പരമാവധി തുകയ്ക്കു തുല്യവുമായിരിക്കും പുതുക്കിയ ശമ്പളം. മറ്റ് സംസ്ഥാനങ്ങളിലെ പിഎസ് സി ചെയര്മാന്റെയും അംഗങ്ങളുടെയും നിലവിലുള്ള സേവനവേതന വ്യവസ്ഥ ഉള്പ്പെടെ പരിഗണിച്ച ശേഷമാണ് മന്ത്രിസഭാ യോഗ തീരുമാനം..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates