കണ്ണൂര്‍: കണ്ണൂര്‍ പന്ന്യന്നൂരിലെ ബിഎംഎസ് പ്രവര്‍ത്തകൻ വി സി വിനയനെ വെട്ടിക്കാെലപ്പെടുത്തിയ കേസില്‍ സിപിഎം പ്രവര്‍ത്തകന്‍ കുറ്റക്കാരന്‍. തലശ്ശേരി അഡീഷണൽ ജില്ലാ സെഷൻസ് കോടതിയാണ് പ്രതി കുറ്റക്കാരനാണെന്ന് കണ്ടെത്തിയത്. പ്രതിക്കുള്ള ശിക്ഷ തിങ്കളാഴ്ച വിധിക്കും.

കേസിൽ അറസ്റ്റിലായിരുന്ന ടിപി ചന്ദ്രശേഖരൻ വധക്കേസ് പ്രതി ടി കെ രജീഷ് അടക്കം ഏഴു പ്രതികളെ കോടതി വെറുതെ വിട്ടു. 2009 മാർച്ച് 12-നാണ് കണ്ണൂർ പന്ന്യന്നൂർ കുറിച്ചികരയിൽ വെച്ച് വിനയനെ ആക്രമിച്ചു കൊലപ്പെടുത്തിയത്. രാഷ്ട്രീയ വിരോധം കാരണം വെട്ടിക്കൊലപ്പെടുത്തിയെന്നാണ് കേസ്.