തൊടുപുഴ:  എട്ടു മാസം പ്രായമായ പശുക്കിടാവിന്റെ നട്ടെല്ല് അയല്‍വാസി തല്ലിയൊടിച്ചതായി പരാതി. ഇടുക്കി കട്ടപ്പന മൈലാടുംപാറയിലാണു കൊടും ക്രൂരത. പറമ്പില്‍ കയറിയെന്ന പേരില്‍ അയല്‍വാസി കഴിഞ്ഞ രാത്രി കിടാവിന്റെ നടു തല്ലിയൊടിച്ചെന്നാണു മൃഗക്ഷേമ പ്രവര്‍ത്തകര്‍ പറയുന്നത്.

പശുക്കിടാവിന് എഴുന്നേല്‍ക്കാനോ നടക്കാനോ കഴിയുന്നില്ല. പിന്‍കാലുകള്‍ പൂര്‍ണമായും തളര്‍ന്ന അവസ്ഥയിലാണ്. മൃഗക്ഷേമ കൂട്ടായ്മയായ ആനിമല്‍ റെസ്‌ക്യൂ ആന്‍ഡ് സപ്പോര്‍ട്ട് കേരളയുടെ സമൂഹമാധ്യമ കൂട്ടായ്മയിലാണു പശുക്കിടാവിന്റെ ദുരവസ്ഥ പങ്കുവച്ചിട്ടുള്ളത്.