തിരുവനന്തപുരം: കെഎസ്ആര്ടിസി സ്വിഫ്റ്റ് ബസുകളുടെ സര്വീസുകള് പ്രഖ്യാപിച്ചു. ഏപ്രില് 11ന് വൈകുന്നേരം 5.30ന് മുഖ്യമന്ത്രി പിണറായി വിജയന് ഫ്ലാഗ് ഓഫ് ചെയ്യും. സീറ്റ് ബുക്കിങ് ഏപ്രില് 7 വൈകിട്ട് 5 മണി മുതല് ആരംഭിക്കും. www.online.keralartc.com എന്ന വെബ്സൈറ്റ് വഴിയും enteskrtc എന്ന മൊബൈല് ആപ്പ് വഴിയും ടിക്കറ്റുകള് ലഭ്യമാകും. ടിക്കറ്റുകളും, അഡീഷണല് സര്വീസ് ടിക്കറ്റുകളും ഓണ് ലൈന് വഴി ലഭ്യമായിരിക്കും.
ഉദ്ഘാടനത്തോട് അനുബന്ധിച്ച് പ്രത്യേക ഓഫറുണ്ട്. തിരുവനന്തപുരം-ബാംഗ്ലൂര് റൂട്ടില് സീറ്റ് ബുക്ക് ചെയ്യുന്ന ആദ്യ യാത്രക്കാര്ക്ക് മടക്ക യാത്രാ ടിക്കറ്റ് സൗജന്യമായി നല്കുന്നതോടൊപ്പം സമ്മാനവും ആദ്യയാത്രാ സര്ട്ടിഫിക്കറ്റും നല്കും. ഇത്തരത്തില് നല്കിയ റിട്ടേണ് ടിക്കറ്റ് അടുത്ത 3 മാസത്തിനകം ഉപയോഗിക്കാനുള്ള സൗകര്യവും ലഭിക്കും.
നാളെ 5 മണിക്ക് റിസര്വ്വേഷന് ആരംഭിക്കുന്ന നാല് ഗജരാജ സ്ലിപ്പര് നിന്നുള്ള ഓരോ യാത്രക്കാര്ക്കുമാണ് ആദ്യം ഈ ആനുകൂല്യം ലഭ്യമാകുക. തുടര്ന്ന് ഓരോ ദിവസവും ഏപ്രില് 30 വരെ പുതിയ സര്വ്വീസുകള് ഇടുന്ന മുറക്ക് ആദ്യയാത്ര ബുക്ക് ചെയ്യുന്നവര്ക്കും ഈ ആനുകൂല്യം ലഭിക്കും. ഇത്തരത്തില് ഏപ്രില് മാസത്തില് ഓരോ ദിവസവും കൂടുതല് സര്വീസുകള് ഓരോ ദിവസവും ഓണ്ലൈനില് നല്കുകയും ഏപ്രില് 30 ആം തീയതിയോടെ ഇത്തരത്തില് 100 ബസ്സുകളുടെ റിസര്വേഷന് ലഭ്യമാവുകയും ചെയ്യും. ഈ ബസ്സുകളില് ആദ്യ ടിക്കറ്റ് ബുക്ക് ചെയ്യുന്നവര്ക്കും ആനുകൂല്യം ലഭിക്കും. ഇത്തരത്തില് ആകെ 100 പേര്ക്കാണ് ഉദ്ഘാടന ആനുകൂല്യം ലഭിക്കുക. ഇത് കൂടാതെ തെരഞ്ഞെടുത്ത റൂട്ടുകളില് ഓണ്ലൈന് ടിക്കറ്റ് ബുക്ക് ചെയ്യുന്നവര്ക്ക് 30% വരെ ടിക്കറ്റ് നിരക്കില് ഇളവും അനുവദിക്കും.
ഈ വാര്ത്തകൂടി വായിക്കാം
കെഎസ്ആര്ടിസി ബസിന്റെ മുന്നില് 'പടയപ്പ', ചില്ല് പൊട്ടിച്ചു; മനസ്സാന്നിധ്യം കൈവിടാതെ ബസ് ഡ്രൈവര്- വീഡിയോ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates