കൊച്ചി: എറണാകുളം നോര്‍ത്ത് പാലത്തില്‍ ഓടിക്കൊണ്ടിരുന്ന കാറിന് തീപിടിച്ചു. അഗ്നിരക്ഷാസേനയെത്തി തീ അണയ്ക്കാനുള്ള ശ്രമം തുടരുകയാണ്. ആളപായമില്ലെന്നാണ് റിപ്പോർട്ട്. 

വൈകുന്നേരത്തോടെയാണ് സംഭവം. മാരുതി കാര്‍ ആണ് കത്തിയത്. സക്കറിയ എന്ന വ്യക്തിയാണ് കാര്‍ ഓടിച്ചിരുന്നത്. പാലത്തിന് മുകളിലെത്തിയപ്പോള്‍ ബോണറ്റില്‍ നിന്നും പുക ഉയരുന്നത് കണ്ട് വാഹനത്തിന് നിന്നും പുറത്തിറങ്ങി. ഇതിന് പിന്നാലെ വാഹനം കത്തുകയായിരുന്നു.

പൊലീസ് എത്തി ഗതാഗതം നിയന്ത്രിച്ചതിന് പിന്നാലെയാണ് അഗ്നിരക്ഷാസേനയെത്തി തീ അണയ്ക്കാന്‍ നടപടികള്‍ ആരംഭിച്ചത്. കാറിന്റെ മുന്‍ഭാഗം പൂര്‍ണമായും കത്തി നശിച്ചു.

ഈ വാര്‍ത്ത കൂടി വായിക്കൂ 

പെണ്‍കുട്ടിയുടെ വസ്ത്രം വരെ വലിച്ചുകീറി; ഒരു സംശയവും വേണ്ട, എണ്ണിയെണ്ണി അടിക്കും; വിഡി സതീശന്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ