കോഴിക്കോട്: തിരുവമ്പാടി എംഎൽഎ ലിന്റോ ജോസഫിന്റെ പേരിൽ ആൾമാറാട്ടം നടത്തിയെന്ന പരാതിയിൽ ഒരാൾക്കെതിരെ കേസെടുത്തു. കൂമ്പാറ സ്വദേശി ജോർജ്ജ് എന്നയാൾക്കെതിരെയാണ് കേസെടുത്തത്. കുടുംബശ്രീയുടെ മലപ്പുറം ഓഫീസിലേക്ക് വിളിച്ച് ജോലിക്ക് ശുപാർശ ചെയ്തെന്നാണ് പരാതി. 

എംഎൽഎയാണെന്നാണ് ഇയാൾ സ്വയം പരിചയപ്പെടുത്തിയത്. രണ്ടാംതവണയും ഫോൺ വന്നപ്പോൾ കുടുംബശ്രീ പ്രവർത്തകർ നമ്പർ പരിശോധിച്ചു. ഇവരാണ് എംഎൽഎയെ വിവരമറിയിച്ചത്. തുടർന്ന് നൽകിയ പരാതിയുടെ അടിസ്ഥാനത്തിൽ തിരുവമ്പാടി പൊലീസ് കേസെടുത്തു.  തന്റെ ഫോൺ നഷ്ടപ്പെട്ടെന്നാണ് ജോർജ്ജിന്റെ വിശദീകരണം.