കേന്ദ്രസർക്കാർ അവതരിപ്പിച്ച വി ബി ജി റാം ജി (വികസിത് ഭാരത് -ഗാരന്റി ഫോര് റോസ്ഗാര് ആന്ഡ് അജീവിക മിഷന് (ഗ്രാമീണ്) ബിൽ ലോക്സഭ പാസ്സാക്കി. പ്രതിപക്ഷ പ്രതിഷേധത്തിനിടെയാണ് ബില്ലിന് ലോക്സഭ അംഗീകാരം നൽകിയത്. സഭയിൽ ബിൽ വലിച്ചു കീറി പ്രതിപക്ഷം പ്രതിഷേധിച്ചു. മഹാത്മാഗാന്ധിയുടെ ചിത്രങ്ങൾ ഉയർത്തിക്കാട്ടിയായിരുന്നു പ്രതിപക്ഷം സഭയുടെ നടുത്തളത്തിൽ പ്രതിഷേധിച്ചത്..എറണാകുളം നോര്ത്ത് പൊലീസ് സ്റ്റേഷനില് യുവതിക്ക് ക്രൂരമര്ദനം. പൊതുസ്ഥലത്തെ പൊലീസ് മര്ദനം ചിത്രീകരിച്ചതിന് കസ്റ്റഡിയിലെടുത്ത യുവാവിനെ തിരക്കി എത്തിയ ഗര്ഭിണിക്കാണ് സിഐ പ്രതാപ ചന്ദ്രന്റെ ക്രൂരമര്ദനമേറ്റത്. 2024 ജൂണ് 20നു നടന്ന മര്ദനത്തിന്റെ വിഡിയോ ദൃശ്യങ്ങള് പുറത്തുവന്നു. കൊച്ചി സ്വദേശി ഷൈമോള്ക്കാണ് പൊലീസിന്റെ അടിയേറ്റത്. ഹൈക്കോടതിയുടെ ഉത്തരവ് പ്രകാരമാണ് ഇതിന്റെ സിസിടിവി ദൃശ്യങ്ങള് പരാതിക്കാരിക്ക് പൊലീസ് കൈമാറിയത്..കണ്ണൂര് നഗരസഭയില് കോണ്ഗ്രസ് നേതാവ് പി ഇന്ദിര മേയറാകും. മുന് കെപിസിസി അധ്യക്ഷന് കെ സുധാകരന് വാര്ത്താസമ്മേളനത്തിലാണ് മേയര് പ്രഖ്യാപനം നടത്തിയത്. ഐകകണ്ഠ്യേനെയാണ് ഇന്ദിരയെ മേയറാക്കാന് തീരുമാനിച്ചതെന്ന് കെ സുധാകരന് വാര്ത്താ സമ്മേളനത്തില് പറഞ്ഞു. കഴിഞ്ഞ തവണ ഡെപ്യൂട്ടി മേയറായിരുന്നു പി ഇന്ദിര.. കേന്ദ്ര സാഹിത്യ അക്കാദമി അവാര്ഡ് പ്രഖ്യാപനം അവസാനനിമിഷം മാറ്റിയതിനെ ചൊല്ലി വിവാദം. ഇന്ന് ഉച്ചയ്ക്ക് മൂന്ന് മണിക്ക് പ്രഖ്യാപിക്കുമെന്ന് സാഹിത്യ അക്കാദമി അറിയിച്ചതിന് പിന്നാലെ, അവസാനനിമിഷം വാര്ത്താസമ്മേളനം മാറ്റുകയായിരുന്നു. കേന്ദ്ര സാംസ്കാരിക മന്ത്രാലയം ആവശ്യപ്പെട്ടതനുസരിച്ച് പ്രഖ്യാപനം റദ്ദാക്കുകയായിരുന്നുവെന്നാണ് വിവരം..ആക്രമിക്കപ്പെട്ട നടിയോട് നടന് ദിലീപിന് വ്യക്തിവൈരാഗ്യം ഉണ്ടായിരുന്നുവെന്ന് മുന് ഭാര്യയും നടിയുമായ മഞ്ജു വാര്യര്. ദിലീപും നടിയും ഏതാനും സിനിമകളില് ഒന്നിച്ച് അഭിനയിച്ചിരുന്നു. കാവ്യ മാധവനുമായിട്ടുള്ള വിവാഹേതര ബന്ധം നടിക്ക് അറിയാമായിരുന്നു. അക്കാര്യം തന്നോട് പറഞ്ഞത് നടിയാണെന്ന വിചാരമാണ് വൈരാഗ്യത്തിന് കാരണമെന്നും വിചാരണക്കോടതിയില് നല്കിയ മൊഴിയില് മഞ്ജു വാര്യര് വ്യക്തമാക്കി.Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates