കണ്ണൂര്: അന്തരിച്ച സിപിഎം മുന് സംസ്ഥാന സെക്രട്ടറി കോടിയേരി ബാലകൃഷ്ണന്റെ ഭൗതിക ദേഹവും വഹിച്ചുകൊണ്ടുള്ള വിലാപയാത്ര പാര്ട്ടി കണ്ണൂര് ജില്ലാ കമ്മിറ്റി ഓഫീസില് നിന്ന് പുറപ്പെട്ടു. സംസ്കാര ചടങ്ങുകള് നടക്കുന്ന പയ്യാമ്പലത്തേക്കുള്ള വിലാപ യാത്രയില് മുഖ്യമന്ത്രി പിണറായി വിജയനും പങ്കെടുക്കുന്നുണ്ട്.
കാല് നടയായാണ് മുഖ്യമന്ത്രി പിണറായി വിജയന്, സംസ്ഥാന സെക്രട്ടറി എം വി ഗോവിന്ദന്, ജില്ലാ സെക്രട്ടറി എം വി ജയരാജന്, നേതാക്കളായ എ വിജയരാഘവന്, പി കെ ശ്രീമതി എം എ ബേബി എന്നിവര് വിലാപയാത്രയെ അനുഗമിക്കുന്നത്.
രാവിലെ പതിനൊന്നു മണിയേടെയാണ് കോടിയേരിയുടെ വീട്ടില് നിന്ന് മൃതദേഹം പാര്ട്ടി ഓഫീസായ അഴീക്കോടന് രാഘവന് സ്മാരകത്തില് എത്തിച്ചത്. പതിനായിരങ്ങളാണ് വീട്ടിലും പാര്ട്ടി ഓഫീസിലും പ്രിയ നേതാവിന് അന്തിമോപചാരം അര്പ്പിക്കാന് എത്തിയത്.
ഗവര്ണര് ആരിഫ് മുഹമ്മദ് ഖാന്, പ്രതിപക്ഷ നേതാവ് വി ഡി സതീശന് എന്നിവര് സിപിഎം ജില്ലാ കമ്മിറ്റി ഓഫീസിലെത്തി അന്തിമോപചാരം അര്പ്പിച്ചു. വ്യവസായി എം എ യൂസഫലി കോടിയേരിയിലെ വീട്ടിലെത്തി അന്തിമോപചാരം അര്പ്പിച്ചു.
ഈ വാര്ത്ത കൂടി വായിക്കൂ അരികില് നിന്ന് മാറാതെ പിണറായി; വീട്ടിലേക്കും ഒഴുകിയെത്തി ആയിരങ്ങള്, അവസാന പൊതുദര്ശനം പാര്ട്ടി ഓഫീസില്
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates