പാര്‍ലമെന്റ് സ്ട്രീറ്റ് പൊലീസ് സ്റ്റേഷന് മുന്നില്‍ പ്രതിഷേധിച്ച എന്‍എസ് യുഐ, കോണ്‍ഗ്രസ് പ്രവര്‍ത്തകരെ പൊലീസ് കസ്റ്റഡിയിലെടുത്തു. ഡല്‍ഹിയിലും മുംബൈയിലും സിജെപിയുടെ തിരംഗ മാര്‍ച്ച് നടക്കും. ഇടുക്കിയില്‍ സിപിഎം ഹര്‍ത്താല്‍ ആചരിക്കുന്നു. ഇന്നത്തെ 5 പ്രധാന വാര്‍ത്തകള്‍ ( Top 5 News Today ) അറിയാം.

പാര്‍ലമെന്റ് സ്ട്രീറ്റ് പൊലീസ് സ്റ്റേഷന് മുന്നില്‍ പ്രതിഷേധിച്ച എന്‍എസ് യുഐ, കോണ്‍ഗ്രസ് പ്രവര്‍ത്തകരെ പൊലീസ് കസ്റ്റഡിയിലെടുത്തു. പൊലീസ് മര്‍ദ്ദനമേറ്റ ആതിര, ജെബി മേത്തര്‍ എംപി, എന്‍എസ് യു ഐ ദേശീയ അധ്യക്ഷന്‍ വിനോദ് ഝാക്കര്‍ അടക്കമുള്ളവരെയാണ് കസ്റ്റഡിയിലെടുത്തത്. പുലര്‍ച്ചെ നാലരയോടെയാണ് പൊലീസ് നടപടി. പ്രതിഷേധത്തിന് പിന്തുണയുമായെത്തിയ സിപിഐ നേതാവ് ആനി രാജയെയും പൊലീസ് കസ്റ്റഡിയിലെടുത്തിട്ടുണ്ട്.

പാര്‍ട്ടി നേതാക്കളായ അശുതോഷ് റാങ്ക, സൗരവ് ദാസ് എന്നിവര്‍ക്ക് ഐക്യദാര്‍ഢ്യം പ്രഖ്യാപിച്ച് സിജെപി ഇന്ന് ഡല്‍ഹിയിലും മുംബൈയിലും 'ലഹ്റ ദോ തിരംഗ' റാലി സംഘടിപ്പിക്കും. സിജെപി പ്രതിഷേധം വിലക്കാന്‍ ഡല്‍ഹി ഹൈക്കോടതി വിസമ്മതിച്ചതിനു പിന്നാലെ 11 പേര്‍ക്ക് പ്രതിഷേധിക്കാന്‍ അനുമതി നല്‍കുമെന്ന് ഡല്‍ഹി പൊലീസ് വ്യക്തമാക്കി. വൈകുന്നേരം 5 മണിക്ക് ദേശീയ പതാകയുമായി സെന്‍ട്രല്‍ പാര്‍ക്കില്‍ ഒത്തുകൂടാനാണ് സിജെപി നേതൃത്വം ആവശ്യപ്പെട്ടിരിക്കുന്നത്. 

മുഖ്യമന്ത്രിയുടെ ദുരിതാശ്വാസനിധിയില്‍ നിന്നുള്ള സഹായത്തിന് അര്‍ഹതാ മാനദണ്ഡമായ കുടുംബ വാര്‍ഷിക വരുമാന പരിധി മൂന്നുലക്ഷം രൂപയാക്കി ഉയര്‍ത്താന്‍ മന്ത്രിസഭായോഗം തീരുമാനിച്ചെന്ന് മുഖ്യമന്ത്രി അറിയിച്ചു. മുമ്പ് ഇത് രണ്ട് ലക്ഷമായിരുന്നു. പോര്‍ട്ടല്‍ മുഖേന ധനസഹായം അനുവദിക്കാനുള്ള അധികാരം വര്‍ധിപ്പിച്ചു. മുഖ്യമന്ത്രിക്ക് അഞ്ചു ലക്ഷം രൂപയും റവന്യൂ മന്ത്രിക്ക് ഒരു ലക്ഷം രൂപയും റവന്യൂ വകുപ്പ് സ്‌പെഷ്യല്‍ സെക്രട്ടറിക്ക് 50,000 രൂപയും ജില്ലാ കലക്ടര്‍ക്ക് 25,000 രൂപയും അനുവദിക്കാന്‍ അധികാരം നല്‍കി. 

സംസ്ഥാനത്ത് ഇന്ന് അതിശക്തമായ മഴയ്ക്ക് സാധ്യത. എല്ലാ ജില്ലകളിലും യെല്ലോ അലര്‍ട്ടാണ്. ഒറ്റപ്പെട്ടയിടങ്ങളില്‍ ഇടിമിന്നലോട് കൂടിയ മഴയ്ക്കും മണിക്കൂറില്‍ 50 കിലോമീറ്റര്‍ വരെ വേഗതയില്‍ ശക്തമായ കാറ്റിനും സാധ്യതയുള്ളതായി കേന്ദ്ര കാലാവസ്ഥ വകുപ്പ് അറിയിച്ചു. സംസ്ഥാനത്ത് തുലാവര്‍ഷം ആരംഭിച്ചതോടെയാണ് മഴ വീണ്ടും കനത്തത്.

വാഹനം വാങ്ങാൻ ആഗ്രഹിക്കുന്നവർക്ക് അനുകൂലമായ സാഹചര്യമുണ്ടാകും. പ്രണയ ബന്ധത്തിലെ അസ്വാരസ്യങ്ങൾ പരിഹരിക്കപ്പെടും. ഒരു വിവാഹച്ചടങ്ങിൽ പങ്കെടുക്കും. സ്വർണം, ആഭരണങ്ങൾ എന്നിവ വാങ്ങാൻ അവസരമുണ്ടാകും. വ്യാപാരത്തിൽ കുടിശ്ശികയായി കിടന്ന തുക തിരിച്ചുകിട്ടും. മക്കളുടെ പഠന കാര്യത്തിൽ ആശ്വാസകരമായ വാർത്ത ലഭിക്കും.