തിരുവനന്തപുരം: പെരുമഴയത്ത് ഉപജില്ലാ കായിക മേള നടത്തയ സംഭവത്തിൽ ഇടപെട്ട് ബാലാവകാശ കമ്മീഷൻ. സ്കൂൾ മീറ്റ് നിർത്തി വയ്ക്കാൻ ബാലാവകാശ കമ്മീഷന്റെ നിർദ്ദേശം. സംഭവത്തിൽ കമ്മീഷൻ സ്വമേധയാ കേസെടുത്തു. കാട്ടാക്കട ഉപജില്ലാ മേളയാണ് പെരുമഴയിലും നടത്തിയത്. ഇന്നലെയാണ് മത്സരങ്ങൾ നടത്തിയത്. ഇന്നും മത്സരങ്ങളുണ്ടായിരുന്നു. 

ജില്ലയിൽ ഇന്നലെ ഓറഞ്ച് അലർട്ടായിരുന്നു. എന്നാൽ ഇതു വകവയ്ക്കാതെയാണ് മീറ്റ് നടത്തിയത്. സംഭവം വാർത്തയായെങ്കിലും മീറ്റ് മാറ്റാൻ അധികൃതർ തയ്യാറായില്ല. മത്സരം മാറ്റി വച്ചാൽ ​ഗ്രൗണ്ട് കിട്ടില്ല എന്നായിരുന്നു ഇതിനുള്ള ന്യായീകരണം. വെള്ളം നിറഞ്ഞ ട്രാക്കിലൂടെയാണ് കുട്ടികൾ ഓട്ടമടക്കമുള്ള മത്സരത്തിൽ മാറ്റുരച്ചത്. 200നു മുകളിൽ കുട്ടികൾ മത്സരിക്കാനെത്തിയിരുന്നു. 

ഇന്നലെ രാവിലെ മുതൽ കനത്ത മഴയായിരുന്നു. കുട്ടികൾ വിറങ്ങലിച്ചു മത്സരിക്കാൻ നിൽക്കുന്നുണ്ടായിരുന്നു. എന്നാൽ ഇതൊന്നും അധികൃതരുടെ പരി​ഗണാ വിഷയമേ ആയിരുന്നില്ല. മത്സരം മാറ്റി വയ്ക്കാനുള്ള തീരുമാനവും അവർ എടുത്തില്ല. പിന്നാലെയാണ് ബാലാവകാശ കമ്മീഷൻ രം​ഗത്തെത്തിയത്. 

ഈ വാര്‍ത്ത കൂടി വായിക്കൂ 

ട്രഷറി പണമിടപാട് ഇന്ന് രണ്ട് മണി വരെ മാത്രം; ചൊവ്വാഴ്ചയും ഇടപാടുകൾ വൈകും   

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ