കൊച്ചി: അമ്മയും സുഹൃത്തും ചേര്ന്നു പ്രായപൂര്ത്തിയാകാത്ത കുട്ടിയെ ക്രൂരമായി മര്ദിച്ചു പരിക്കേല്പ്പിച്ചെന്ന് പരാതി. എട്ടാം ക്ലാസില് പഠിക്കുന്ന പന്ത്രണ്ടു വയസ്സുകാരനെ മര്ദ്ദിച്ചെന്ന പരാതിയില് കേസെടുത്ത പൊലീസ് പ്രതികളെ ഇന്നലെ വൈകീട്ട് കസ്റ്റഡിയിലെടുത്തു. ഇവരെ ചോദ്യം ചെയ്യുകയാണെന്നും തുടര്നടപടിയുണ്ടാകുമെന്നും പൊലീസ് അറിയിച്ചു.
ഭര്ത്താവുമായി പിരിഞ്ഞു കഴിയുകയാണ് യുവതി എന്ന് പൊലീസ് പറഞ്ഞു. കലൂരിലെ ഫ്ലാറ്റിലാണു കുട്ടിക്കൊപ്പം ഇവര് താമസിച്ചിരുന്നത്. യുവതിയും ആണ്സുഹൃത്തും ഒരുമിച്ചു കഴിയുന്നതിനെ കുട്ടി എതിര്ത്തതിലുള്ള വൈരാഗ്യമാണു മര്ദനത്തിനു പിന്നിലെന്നും പരാതിയില് പറയുന്നു. കുട്ടി അമ്മയ്ക്കൊപ്പം ഉറങ്ങിയതും പ്രകോപനമായി.
അമ്മയുടെ സുഹൃത്ത് കുട്ടിയുടെ കൈ പിടിച്ചു തിരിച്ചു. തല ഭിത്തിയിലും ശുചിമുറിയുടെ വാതിലിലും ഇടിപ്പിച്ചു. അമ്മ കുട്ടിയുടെ നെഞ്ചില് മാന്തി മുറിവേല്പിച്ചു. സംഭവമറിഞ്ഞു സ്ഥലത്തെത്തിയ അച്ഛന് കുട്ടിയെ ആശുപത്രിയില് പ്രവേശിപ്പിക്കുകയും പൊലീസില് വിവരം നല്കുകയുമായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates