കണ്ണൂര്‍: കോണ്‍ഗ്രസില്‍ മുഖ്യമന്ത്രി തര്‍ക്കം രൂക്ഷമായ സഹാചര്യത്തില്‍ കെസി വേണുഗോപാല്‍-കെ. സുധാകരന്‍ ഗ്രൂപ്പ് യോഗം. കണ്ണൂരിലെ കെ സുധാകരന്റെ വീട്ടിലാണ് സംയുക്ത ഗ്രൂപ് യോഗം വിളിച്ചത്.

മുന്‍ ഡിസിസി ഭാരവാഹികള്‍, കെപിസിസി ഭാരവാഹികള്‍, കെഎസ്യുവിന്റെയും യൂത്ത് കോണ്‍ഗ്രസിന്റെയും സംസ്ഥാന ഭാരവാഹികള്‍ അടക്കമുള്ളവര്‍ യോഗത്തില്‍ പങ്കെടുക്കുമെന്നായിരുന്നു നേരത്തെ ലഭിച്ചിരുന്ന വിവരം. നിശ്ചയിച്ച പ്രകാരം സുധാകരന്റെ വീട്ടില്‍ നേതാക്കള്‍ എത്തുകയും ചെയ്തിരുന്നു.

എന്നാല്‍ വിവരമറിഞ്ഞ് മാധ്യമങ്ങള്‍ സ്ഥലത്തെത്തിയതോടെ യോഗം മാറ്റിവെച്ചു നേതാക്കള്‍ പോകുന്ന സാഹചര്യം ഉണ്ടായി. കൂടാളി മണ്ഡലം പ്രസിഡന്റ് ശ്രീപ്രസാദ്, മട്ടന്നൂര്‍ ബ്ലോക്ക് സെക്രട്ടറി, എല്‍ ജി ദയാനന്ദ്, ഡിസിസി സെക്രട്ടറി വി ആര്‍ പ്രസാദ്, എന്നിവരാണ് കെ സുധാകരന്റെ വീട്ടില്‍ എത്തിയത്. വ്യക്തിപരമായ സന്ദര്‍ശനമാണെന്ന് നേതാക്കള്‍ പറഞ്ഞു. മുതിര്‍ന്ന നേതാവ് കെ മുരളീധരന്‍, കെ. സുധാകരന്‍ എന്നിവരുള്‍പ്പെടെ മുതിര്‍ന്ന നേതാക്കളെ ഡല്‍ഹിയിലേക്ക് വിളിപ്പിച്ച സാഹചര്യത്തിലാണ് കണ്ണൂരിലെ ഗ്രൂപ്പ് യോഗം വിളിച്ചതെന്നതും ശ്രദ്ധേയം.