തിരുവനന്തപുരം: സംസ്ഥാനത്ത് കോവിഡ് ജാഗ്രതാ നിര്ദേശം. മതിയായ ഒരുക്കങ്ങള് നടത്താന് ജില്ലകള്ക്ക് നിര്ദേശം നല്കി. ആവശ്യമായ സജ്ജീകരണങ്ങള് ഒരുക്കാന് ആശുപത്രികള്ക്കും ആരോഗ്യവകുപ്പ് നിര്ദേശം നല്കിയിട്ടുണ്ട്.
രോഗികളുടെ എണ്ണം ഉയര്ന്നാല് ഐസിയു വെന്റിലേറ്ററുകള് കോവിഡ് ബാധിതര്ക്കായി മാറ്റിവെക്കണമെന്നും നിര്ദേശിച്ചിട്ടുണ്ട്. സംസ്ഥാനത്ത് കോവിഡ് കേസുകളില് നേരിയ വര്ധനയുണ്ടായിട്ടുണ്ടെന്ന് ആരോഗ്യമന്ത്രി വീണാ ജോര്ജ് പറഞ്ഞു.
ഇന്നലെ 172 കേസുകളാണ് സംസ്ഥാനത്ത് സ്ഥിരീകരിച്ചത്. കൂടുതല് രോഗബാധിതര് തിരുവനന്തപുരത്താണ്. എണാകുളം ജില്ലയിലും രോഗബാധിതരുടെ എണ്ണം വര്ധിച്ചിട്ടുണ്ട്. 111 പേരാണ് ആശുപത്രിയിൽ ചികിത്സയിലുള്ളത്. പ്രായമായവരും കുട്ടികളും ഗർഭിണികളും മാസ്ക് ധരിക്കണം. നിരീക്ഷണം ശക്തമാക്കണമെന്നും മന്ത്രി വീണാ ജോർജ് ആവശ്യപ്പെട്ടു.
സംസ്ഥാനത്ത് കോവിഡ് ക്ലസ്റ്ററുകള് രൂപപ്പെട്ടിട്ടില്ല. ആശുപത്രി സജ്ജീകരണങ്ങള്ക്കായി ജില്ലകളും ആശുപത്രികളും സര്ജ് പ്ലാന് തയ്യാറാക്കണം. പുതിയ വകഭേദം വന്നിട്ടുണ്ടോ എന്നറിയാന് ജിനോമിക് പരിശോധനകള് വര്ധിപ്പിക്കും.
കോവിഡ് പുതിയ വകഭേദത്തിന് വ്യാപനശേഷി കൂടുതലാണ്. അതിനാല് പൊതുസ്ഥലങ്ങളില് പോകുമ്പോള് മാസ്ക് കൃത്യമായി ധരിക്കണം. ആശുപത്രികളില് എത്തുന്നവരെല്ലാവരും നിര്ബന്ധമായും മാസ്ക് ധരിക്കണമെന്നും മന്ത്രി നിർദേശിച്ചു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates