കോഴിക്കോട്:  മെഡിക്കല്‍ കോളജിലെ വിദ്യാര്‍ഥിനിക്ക് വാട്‌സാപ്പില്‍ അപകീര്‍ത്തികരമായ സന്ദേശം അയച്ചെന്ന പരാതിയില്‍ അനാട്ടമി വിഭാഗം ലക്ചററെ മെഡിക്കല്‍ വിദ്യാഭ്യാസ ഡയറക്ടര്‍ സസ്‌പെന്‍ഡ് ചെയ്തു. അനാട്ടമി വിഭാഗം അധ്യാപകന്‍ കെ അനില്‍കുമാറിനെയാണ് സസ്‌പെന്‍ഡ് ചെയ്തത്. 

വിദ്യാര്‍ഥിനിയും കോളജ് യൂണിയനും പ്രിന്‍സിപ്പലിനു നല്‍കിയ പരാതിയില്‍ മെഡിക്കല്‍ കോളജിലെ ആഭ്യന്തര അന്വേഷണ സമിതി പ്രാഥമിക അന്വേഷണം നടത്തി ഡിഎംഇക്ക് റിപ്പോര്‍ട്ട് നല്‍കിയിരുന്നു. ഇതു പ്രകാരമാണ് നടപടി എടുത്തത്. കൂടുതല്‍ വിദ്യാര്‍ഥികള്‍ക്ക് അധ്യാപകന്‍ ഇത്തരം സന്ദേശം അയച്ചിട്ടുണ്ടോയെന്ന കാര്യവും കോളജ് യൂണിയന്‍ അന്വേഷിക്കുന്നുണ്ട്. 

പ്രാഥമിക അന്വേഷണത്തില്‍ കുറ്റക്കാരനാണെന്നു കണ്ടെത്തിയതിനാല്‍ അധ്യാപകനെ ക്ലാസ് ചുമതലയില്‍നിന്ന് മാറ്റിയിരുന്നു. വെള്ളിയാഴ്ചയാണ് വിദ്യാര്‍ഥിനി പ്രിന്‍സിപ്പലിന് രേഖാമൂലം പരാതി നല്‍കിയത്. പരാതി മെഡിക്കല്‍ കോളജ് പൊലീസിനും കൈമാറിയിട്ടുണ്ട്.

ഈ വാർത്ത കൂടി വായിക്കൂ 

'അടുത്തു വന്നാല്‍ ഇനിയും പുറത്തിറങ്ങും, അവര്‍ എന്നെ ആക്രമിക്കട്ടെ'; പ്രതിഷേധക്കാര്‍ എത്തിയത് പൊലീസ് വാഹനത്തിലെന്ന് ഗവര്‍ണര്‍

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ