പൊലീസ് പൊളിച്ചു നീക്കിയ എല്‍പിഎസ്ടി ഉദ്യോഗാര്‍ത്ഥികളുടെ സമരപ്പന്തല്‍ ഡിവൈഎഫ്‌ഐ പുന:സ്ഥാപിച്ചു. ചേരാനെല്ലൂർ വാഹനാപകടക്കേസിലെ പ്രതിയായ 17 കാരന്റെ ജാമ്യം റദ്ദാക്കണമെന്ന ഹർജി ഹൈക്കോടതി ഇന്ന് പരി​ഗണിക്കും. പശ്ചിമേഷ്യൻ സംഘർഷത്തിന്റെ പശ്ചാത്തലത്തിൽ സൗദി അറേബ്യയിലേക്കുള്ള വിമാന സർവീസുകൾ വീണ്ടും റദ്ദാക്കി ഇന്ത്യൻ വിമാനക്കമ്പനികൾ. ഇന്നത്തെ 5 പ്രധാന വാർത്തകൾ ( Top 5 News Today ) അറിയാം

പൊലീസ് പൊളിച്ചു നീക്കിയ സെക്രട്ടേറിയറ്റിന് മുന്നിലെ, എല്‍പിഎസ്ടി ഉദ്യോഗാര്‍ത്ഥികളുടെ സമരപ്പന്തല്‍ ഡിവൈഎഫ്‌ഐ പുന:സ്ഥാപിച്ചു. താല്‍ക്കാലികമായി ടാര്‍പോളിന്‍ വലിച്ചുകെട്ടിയാണ് പുതിയ സമരപ്പന്തല്‍ നിര്‍മ്മിച്ചിരിക്കുന്നത്. സമരത്തിന് യുവമോര്‍ച്ചയും പിന്തുണയുമായി എത്തിയിട്ടുണ്ട്. പുനഃസ്ഥാപിച്ച സമരപ്പന്തലില്‍ റാങ്ക് ഹോള്‍ഡര്‍മാര്‍ നിരാഹാര സമരം ആരംഭിച്ചിട്ടുണ്ട്.

ചേരാനെല്ലൂരില്‍ അഡീഷണല്‍ ജഡ്ജിയുടെ പ്രായപൂര്‍ത്തിയാകാത്ത മകന്‍ ഓടിച്ച കാര്‍ ഇടിച്ച് സ്‌കൂട്ടര്‍ യാത്രക്കാരനായ തട്ടുകടയുടമ മരിച്ച സംഭവത്തില്‍, പ്രതിക്ക് ജാമ്യം അനുവദിച്ച ഉത്തരവ് റദ്ദാക്കണമെന്ന് ആവശ്യപ്പെട്ടുകൊണ്ടുള്ള ഹര്‍ജി ഹൈക്കോടതി ഇന്ന് പരിഗണിക്കും. ജയബാലകൃഷ്ണന്റെ മക്കളായ ഭദ്രകീര്‍ത്തിയും ഭരത് ശങ്കറും നല്‍കിയ ക്രിമിനല്‍ റിവിഷന്‍ ഹര്‍ജി ജസ്റ്റിസ് സി. ജയചന്ദ്രന്റെ ബെഞ്ചാണ് പരിഗണിക്കുന്നത്. 

ജമ്മു കശ്മീരിലെ കിഷ്ത്വാർ ജില്ലയിൽ പട്രോളിംഗിനിടെ രണ്ട് സ്പെഷ്യൽ പൊലീസ് ഓഫീസർമാരെ കാണാതായി. ഡച്ചാൻ-മർവ മേഖലയിലാണ് സംഭവം നടന്നത്. റാഷ്പാൽ കുമാർ (40), ബാബി ചന്ദ് (54) എന്നിവരെയാണ് കാണാതായത്. സൈന്യത്തോടൊപ്പം പട്രോളിംഗ് നടത്തിയിരുന്ന ഇവർ ധേർണ പോസ്റ്റിലേക്ക് മടങ്ങുന്നതിനിടെയാണ് കാണാതായതെന്നാണ് പ്രാഥമിക വിലയിരുത്തൽ.

പശ്ചിമേഷ്യൻ സംഘർഷത്തിന്റെ പശ്ചാത്തലത്തിൽ സൗദി അറേബ്യയിലേക്കുള്ള വിമാന സർവീസുകൾ വീണ്ടും റദ്ദാക്കി ഇന്ത്യൻ വിമാനക്കമ്പനികൾ. ഇൻഡിഗോ, എയർ ഇന്ത്യ, എയർ ഇന്ത്യ എക്സ്പ്രസ് എന്നിവയാണ് സർവീസ് റദ്ദാക്കിയത്. ജിദ്ദ, മദീന എന്നിവിടങ്ങളിലേക്കുള്ള ഇൻഡിഗോ സർവീസുകൾ നവംബർ 21 വരെയും റിയാദ്, ദമാം എന്നിവിടങ്ങളിലേക്കുള്ള സർവീസുകൾ നവംബർ 30 വരെയും ഉണ്ടാകില്ല.

സാമ്പത്തികമായി പ്രതീക്ഷിച്ചിരുന്ന ധനലാഭം കൈവരിക്കും. പ്രണയബന്ധത്തിലുള്ളവർക്ക് വിവാഹത്തിലേക്ക് കടക്കാൻ അനുകൂല സാഹച ര്യമുണ്ടാകും. ഔദ്യോഗിക യാത്രകൾ വേണ്ടിവരും. തൊഴിൽരംഗത്ത്പുതിയ അവസരങ്ങൾലഭിക്കും. കുടുംബാംഗങ്ങളുമായി നിലനിന്നിരുന്ന അഭിപ്രായ വ്യത്യാസങ്ങൾ മാറും. ഭൂമി വാങ്ങുന്നതിന് അനുകൂലമായ സമയമാണ് ഇത്.