ഇടുക്കി: കടയുടെ മറവിൽ കഞ്ചാവ് വിൽപന നടത്തിയ വൃദ്ധദമ്പതിമാരെ പിടികൂടി. ഇടുക്കി രാജാക്കാട് സ്വദേശികളായ വേണു വേലായുധന്‍ (67), ഭാര്യ ഓമന (60) എന്നിവരാണ് അറസ്റ്റിലായത്. 24 പൊതികളിലായി സൂക്ഷിച്ച 80 ഗ്രാം കഞ്ചാവ് ഇവരുട‌െ കടയിൽ നിന്ന് പി‌ടിച്ചെടുത്തു. 

പൊതിയൊന്നിന് 200 രൂപയ്ക്കാണ് ഇവര്‍ കഞ്ചാവ് വിൽപന നടത്തിയിരുന്നത്. വേലായുധനും ഓമനയും നടത്തിയിരുന്ന ക‌ട കേന്ദ്രീകരിച്ച് കഞ്ചാവ് വാങ്ങുന്നതായും വില്‍പന നടത്തുന്നതായുമുള്ള ഇൻ്റലിജന്‍സ് റിപ്പോര്‍ട്ടിനെ തുടര്‍ന്നായിരുന്നു പരിശോധന. ഉടുമ്പന്‍ചോല എക്സൈസ്‌ ഓഫീസിൻ്റെയും ഇൻ്റലിജന്‍സ് ബ്യൂറോയുടെയും സംയുക്ത പരിശോധനയിലാണ് അറസ്റ്റ്.