കൊച്ചി: ബിജെപിയെ പ്രതിക്കൂട്ടിലാക്കിയ കൊടകര കുഴല്‍പ്പണക്കേസില്‍ എന്‍ഫോഴ്‌സ്‌മെന്റ് ഡയറക്ട്രേറ്റ് (ഇഡി) പ്രാഥമിക അന്വേഷണം തുടങ്ങി. കേസ് ഏറ്റെടുക്കുന്നതു സംബന്ധിച്ച് പത്തു ദിവസത്തിനകം നിലപാട് അറിയിക്കാന്‍ ഹൈക്കോടതി നിര്‍ദേശിച്ചതിനു പിന്നാലെയാണ് ഇഡി പ്രാഥമിക പരിശോധന നടത്തിയത്.
കേസിന്റെ വിവരങ്ങള്‍ ഇഡി ഉദ്യോഗസ്ഥര്‍ പൊലീസില്‍ നിന്നു ശേഖരിച്ചതായാണ് വിവരം. എഫ്‌ഐആര്‍ വിവരങ്ങള്‍ ശേഖരിച്ച ഇഡി അന്വേഷണത്തില്‍ കണ്ടെത്തിയ വിവരങ്ങളും പൊലീസില്‍നിന്ന് ആരാഞ്ഞു.
കുഴല്‍പ്പണക്കേസില്‍ ഇഡിക്ക് നേരത്തെ തന്നെ പരാതി ലഭിച്ചിരുന്നെങ്കിലും അവര്‍ നടപടിയൊന്നും എടുത്തിരുന്നില്ല. ഇതിനെത്തുടര്‍ന്ന് ലോക്താന്ത്രിക് യുവ ജനതാ ദള്‍ നേതാവ് സലീം മടവൂരാണ് ഹര്‍ജിയുമായി ഹൈക്കോടതിയില്‍ എത്തിയത്. കേസ് പരിഗണിച്ചപ്പോള്‍ ഇഡി കൂടുതല്‍ സമയം ആവശ്യപ്പെട്ടു. ഇതിനെത്തുടര്‍ന്ന് പത്തു ദിവസത്തിനകം നിലപാട് അറിയിക്കാന്‍ കോടതി നിര്‍ദേശം നല്‍കുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates