പാലക്കാട്: ചാലിശ്ശേരി മുക്കൂട്ടയില് മക്കളെ പട്ടിക കൊണ്ട് അടിച്ച് പരിക്കേല്പ്പിച്ച പിതാവ് പിടിയില്. ചാലിശ്ശേരി മുക്കൂട്ട മടത്തിരുത്തിഞ്ഞാലില് അന്സാറിനെയാണ് ചാലിശ്ശേരി പൊലീസ് അറസ്റ്റ് ചെയ്തത്. മലപ്പുറം ജില്ലയിലെ വളയം കുളത്ത് നിന്നാണ് അന്സാറിനെ പൊലീസ് കസ്റ്റഡിയിലെടുത്തത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
കഴിഞ്ഞ മാസം 28 ന് രാത്രിയാണ് അന്സാര് പ്ലസ് വണ്ണിലും പത്തിലും പഠിക്കുന്ന മക്കളെ പട്ടിക കൊണ്ട് തല്ലിച്ചതച്ചത്. ദഫ് പരിശീലനം കഴിഞ്ഞ് വീട്ടിലെത്താന് വൈകിയെന്ന് പറഞ്ഞായിരുന്നു മര്ദനം. കുട്ടികളുടെ കൈക്ക് പൊട്ടലും വാരിയെല്ലിന് പരിക്കും പറ്റി.
അന്നു രാത്രി തന്നെ പ്രതി ഒളിവില് പോയിരുന്നു. മൊബൈല് ഫോണ് കേന്ദ്രീകരിച്ച് നടത്തിയ അന്വേഷണത്തിലാണ് ചാലിശ്ശേരി പൊലീസ് പ്രതിയെ അറസ്റ്റ് ചെയ്തത്. സംഭവത്തില് സിഡബ്യൂസിയും ഇടപെട്ടിരുന്നു. ശരീരമാകെ മര്ദനമേറ്റ കൂട്ടികള് ചികിത്സയ്ക്ക് ശേഷം വിശ്രമത്തിലാണ്.
ഈ വാര്ത്ത കൂടി വായിക്കൂ ആലപ്പുഴയില് പ്ലസ് ടു വിദ്യാര്ത്ഥി മുങ്ങിമരിച്ചു
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates