കണ്ണൂര്‍: കിണറില്‍ വീണ പൂച്ചയെ രക്ഷിച്ച് തിരികെ കയറുന്നതിനിടെ യുവാവ് കാല്‍ വഴുതി കിണറില്‍ വീണു. കണ്ണൂര്‍ ഉളിക്കല്‍ മണിക്കടവിലാണ് സംഭവം.

മണിക്കടവ് സ്വദേശി ജിബിന്‍ ആണ് കിണറ്റില്‍ വീണത്. പൂച്ചയെ രക്ഷപ്പെടുത്തി പുറത്തേക്ക് ഇറങ്ങാന്‍ ശ്രമിക്കുന്നതിനിടെ കാല്‍ വഴുതി കിണറ്റില്‍ വീഴുകയായിരുന്നു. ഇരിട്ടിയില്‍ നിന്നെത്തിയ ഫയര്‍ ഫോഴ്‌സ് സംഘമാണ് ജിബിനെ പുറത്തെടുത്തത്.

വീടിനു മുന്നിലെ കിണറില്‍ വീണ പൂച്ചയെ രക്ഷപ്പെടുത്താനാണ് ജിബിന്‍ കിണറില്‍ ഇറങ്ങിയത്. തിരികെ കയറുന്നതിനിടെയാണ് കാല്‍ വഴുതി വീണത്. കിണറിന് 15 കോല്‍ ആഴമുണ്ടായിരുന്നു. കിണറില്‍ വെളളം ഉണ്ടായതിനാല്‍ വീഴ്ചയില്‍ പരിക്ക് പറ്റിയില്ല.