തിരുവനന്തപുരം: ഉന്നത വിദ്യാഭ്യാസ രംഗത്ത് വിദേശ നിക്ഷേപമാകാമെന്ന് എല്ഡിഎഫ് കണ്വീനര് ഇ പി ജയരാജന്. നയംമാറ്റമല്ലെന്നും കാലത്തിന് അനുസരിച്ചുള്ള മാറ്റമെന്നും ഇ പി ജയരാജന് മാധ്യമങ്ങളോട് പറഞ്ഞു.
വിദേശ നിക്ഷേപമാകാമെന്ന് കേന്ദ്രം തന്നെയാണ് പറഞ്ഞത്. ഇക്കാര്യത്തില് തീരുമാനമെടുത്തത് കേന്ദ്രമാണ്. സംസ്ഥാനത്തെ വിദ്യാഭ്യാസത്തിന് ഗുണകരമെങ്കില് വിദേശ നിക്ഷേപത്തെ സ്വാഗതം ചെയ്യും. എന്നാല് ദോഷകരമാണ് എന്ന് കണ്ടാല് അതിനെ എതിര്ക്കുമെന്നും ഇ പി ജയരാജന് പറഞ്ഞു.
സംസ്ഥാനത്ത് വെള്ളക്കരം കൂട്ടണമെന്ന ജലവിഭവവകുപ്പിന്റെ ശുപാര്ശയ്ക്ക് ഇടതുമുന്നണി യോഗം അംഗീകാരം നല്കിയതായി ഇ പി ജയരാജന് പറഞ്ഞു. ഒരു ലിറ്ററിന് ഒരു പൈസ നിരക്കില് വെള്ളക്കരം വര്ധിപ്പിക്കണമെന്നാണ് ജലവിഭവ വകുപ്പ് ശുപാര്ശ നല്കിയതെന്നും ഇ പി ജയരാജന് പറഞ്ഞു.
ജല അതോറിറ്റിക്ക് 2391 കോടി രൂപയുടെ നഷ്ടം ഉണ്ട്. നിലവില് ജീവനക്കാര്ക്ക് ശമ്പളം പോലും നല്കാന് കഴിയാതെ ബുദ്ധിമുട്ടുകയാണ് ജല അതോറിറ്റി. ജല അതോറിറ്റിയുടെ പ്രവര്ത്തനം കാര്യക്ഷമമാക്കാന് വെള്ളക്കരം കൂട്ടണമെന്ന ജലവിഭവവകുപ്പിന്റെ ശുപാര്ശയ്ക്ക് ഇടതുമുന്നണി യോഗം അംഗീകാരം നല്കുകയായിരുന്നുവെന്നും ഇ പി ജയരാജന് പറഞ്ഞു. എന്നാല് ബിപിഎല് കുടുംബങ്ങളെ ഇതില് നിന്ന് ഒഴിവാക്കുമെന്നും അദ്ദേഹം അറിയിച്ചു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates