തിരുവനന്തപുരം: സൈബര് തട്ടിപ്പുസംഘം യുവതീയുവാക്കളുടെ ബാങ്ക് അക്കൗണ്ടുകള് ലക്ഷ്യം വെയ്ക്കുന്നതായി കേരള പൊലീസിന്റെ മുന്നറിയിപ്പ്. സാമൂഹിക മാധ്യമങ്ങളില് പാര്ട്ട് ടൈം/ ഓണ്ലൈന് ജോലികള് തിരയുന്ന വിദ്യാര്ഥികള് ഉള്പ്പെടെയുള്ളവര് സൈബര് തട്ടിപ്പുസംഘങ്ങളുടെ വലയില് അകപ്പെടുന്നതായി ശ്രദ്ധയില്പ്പെട്ടിട്ടുണ്ട്. സ്വന്തമായി ബാങ്ക് അക്കൗണ്ടും ഗൂഗിള് പേ അക്കൗണ്ടും ഉള്ളവര്ക്ക് ജോലി നല്കുന്നതാണ് തട്ടിപ്പുസംഘത്തിന്റെ രീതി. അവരുടെ അക്കൗണ്ടുകളിലേക്ക് ട്രാന്സ്ഫര് ചെയ്ത് എത്തുന്ന പണം ഒരു ലക്ഷം രൂപ കടക്കുമ്പോള് കമ്മീഷന് എടുത്തശേഷം ബാക്കി തുക തട്ടിപ്പുകാര് ആവശ്യപ്പെടുന്ന അക്കൗണ്ടില് അയച്ചു നല്കുകയെന്നതാണ് ജോലി. ഉയര്ന്ന കമ്മീഷനാണ് തട്ടിപ്പുകാര് വാഗ്ദാനം ചെയ്യുന്നത്. വിദ്യാര്ഥികള് ഉള്പ്പെടെയുള്ളവരുടെ അക്കൗണ്ടുകള് മ്യൂള് അക്കൗണ്ട് (വാടക അക്കൗണ്ട്) ആയി സൈബര് തട്ടിപ്പുകള്ക്ക് ഉപയോഗിക്കുകയാണ് തട്ടിപ്പുകാരുടെ ലക്ഷ്യം. ഇത്തരം കുറ്റകൃത്യങ്ങളെക്കുറിച്ച് ബോധവാന്മരല്ലാത്ത യുവതീയുവാക്കള് തങ്ങള് അറിയാതെതന്നെ തട്ടിപ്പുസംഘത്തിലെ അംഗമായി മാറുന്നു. ഇത്തരം സൈബര് തട്ടിപ്പുസംഘത്തിന്റെ വലയില് മക്കളും യുവതലമുറയും അകപ്പെടാതിരിക്കാന് രക്ഷിതാക്കളും അധ്യാപകരും പൊതുസമൂഹവും അതീവജാഗ്രത പുലര്ത്തേണ്ടതാണെന്നും കേരള പൊലീസ് ഫെയ്സ്ബുക്കില് കുറിച്ചു.
കുറിപ്പ്:
സൈബര് തട്ടിപ്പുസംഘം യുവതീയുവാക്കളുടെ ബാങ്ക് അക്കൗണ്ടുകള് ലക്ഷ്യം വയ്ക്കുകയാണിപ്പോള്. സാമൂഹ്യമാധ്യമങ്ങളില് പാര്ട്ട് ടൈം/ ഓണ്ലൈന് ജോലികള് തിരയുന്ന വിദ്യാര്ത്ഥികള് ഉള്പ്പെടെയുള്ളവര് സൈബര് തട്ടിപ്പുസംഘങ്ങളുടെ വലയില് അകപ്പെടുന്നതായി ശ്രദ്ധയില്പ്പെട്ടിട്ടുണ്ട്.
സ്വന്തമായി ബാങ്ക് അക്കൗണ്ടും ഗൂഗിള് പേ അക്കൗണ്ടും ഉള്ളവര്ക്ക് ജോലി നല്കുന്നതാണ് തട്ടിപ്പുസംഘത്തിന്റെ രീതി, അവരുടെ അക്കൗണ്ടുകളിലേക്ക് ട്രാന്സ്ഫര് ചെയ്ത് എത്തുന്ന പണം ഒരു ലക്ഷം രൂപ കടക്കുമ്പോള് കമ്മീഷന് എടുത്തശേഷം ബാക്കി തുക തട്ടിപ്പുകാര് ആവശ്യപ്പെടുന്ന അക്കൗണ്ടില് അയച്ചു നല്കുകയെന്നതാണ് ജോലി. ഉയര്ന്ന കമ്മീഷനാണ് തട്ടിപ്പുകാര് വാഗ്ദാനം ചെയ്യുന്നത്.
വിദ്യാര്ത്ഥികള് ഉള്പ്പെടെയുള്ളവരുടെ അക്കൗണ്ടുകള് മ്യൂള് അക്കൗണ്ട് (വാടക അക്കൌണ്ട്) ആയി സൈബര് തട്ടിപ്പുകള്ക്ക് ഉപയോഗിക്കുകയാണ് തട്ടിപ്പുകാരുടെ ലക്ഷ്യം. ഇത്തരം കുറ്റകൃത്യങ്ങളെക്കുറിച്ച് ബോധവാന്മാരല്ലാത്ത യുവതീയുവാക്കള് തങ്ങള് അറിയാതെതന്നെ തട്ടിപ്പുസംഘത്തിലെ അംഗമായി മാറുന്നു.
ഇത്തരം സൈബര് തട്ടിപ്പുസംഘത്തിന്റെ വലയില് നമ്മുടെ മക്കളും യുവതലമുറയും അകപ്പെടാതിരിക്കാന് രക്ഷിതാക്കളും അധ്യാപകരും പൊതുസമൂഹവും അതീവജാഗ്രത പുലര്ത്തേണ്ടതാണ്. നമ്മുടെ അക്കൗണ്ടിലൂടെ പണം കൈമാറ്റം നടത്തുന്നതിന് അപരിചിതരായ ആരെയും അനുവദിക്കരുത്. ഇത്തരം ഓണ്ലൈന് സാമ്പത്തികത്തട്ടിപ്പുകള് നിങ്ങളുടെ ശ്രദ്ധയിപ്പെട്ടാല് ഉടന് തന്നെ വിവരം 1930 ല് അറിയിക്കുക. എത്രയും നേരത്തെ റിപ്പോര്ട്ട് ചെയ്താല് നഷ്ടപ്പെട്ട തുക തിരിച്ചുലഭിക്കാനുള്ള സാധ്യത കൂടുതലാണ്. www.cybercrime.gov.in എന്ന വെബ്സൈറ്റിലും പരാതി രജിസ്റ്റര് ചെയ്യാവുന്നതാണ്
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates