പമ്പ: ശബരിമല തീര്ത്ഥാടകര്ക്കായി സംസ്ഥാനത്തിന്റെ വിവിധ ഭാഗങ്ങളില്നിന്ന് പുറപ്പെടുന്ന 300 കെഎസ്ആര്ടിസി സ്പെഷ്യല് സര്വിസില് ഗ്രൂപ്പ് ബുക്കിങ് സംവിധാനം ഏര്പ്പെടുത്തുമെന്ന് ഗതാഗത മന്ത്രി ആന്റണി രാജു. 40 പേരെങ്കിലും സംഘത്തില് ഉണ്ടാവണം. ഗ്രൂപ്പ് ബുക്കിങ്ങിന്റെ അടിസ്ഥാനത്തില് കേരളത്തിലെ വിവിധ അയ്യപ്പക്ഷേത്രങ്ങള് കേന്ദ്രീകരിച്ച് ശബരിമലയിലേക്ക് പ്രത്യേക സര്വിസ് നടത്തും. നിലക്കലില്നിന്ന് പമ്പയിലേക്ക് ഒരു മിനിറ്റില് ഒരു ബസ് എന്ന നിലയില് സര്വിസ് നടത്തും
നിലക്കലില് മുതിര്ന്ന പൗരന്മാര്ക്ക് വാഹനത്തില് കയറാന് പ്രത്യേക ക്യൂ സംവിധാനമുണ്ടാകും. 200 ബസ് നിലക്കല് പമ്പ ചെയിന് സര്വിസ് നടത്തും. മകരവിളക്കിന് 1000 ബസ് സര്വിസ് നടത്തും. സുരക്ഷ കണക്കിലെടുത്ത് ചരക്കു വാഹനങ്ങളിലും ഓട്ടോറിക്ഷകളിലും പമ്പയിലേക്ക് വരുന്നത് നിരുത്സാഹപ്പെടുത്തും.
നവംബര് പത്തോടുകൂടി വകുപ്പുതല പ്രവര്ത്തനങ്ങള് പൂര്ത്തിയാക്കുമെന്നും മന്ത്രി പറഞ്ഞു. ശബരിമല തീര്ത്ഥാടനവുമായി ബന്ധപ്പെട്ട് പമ്പയില് ചേര്ന്ന അവലോകന യോഗത്തില് സംസാരിക്കുകയായിരുന്നു മന്ത്രി. തീര്ത്ഥാടകര്ക്ക് അടിയന്തര സഹായം നല്കാന് പത്തനംതിട്ട, കോട്ടയം, ഇടുക്കി ജില്ലകളിലായി നാനൂറോളം കിലോമീറ്റര് റോഡ് മോട്ടോര് വാഹന വകുപ്പന്റെ സേഫ്സോണ് പദ്ധതി നിരീക്ഷണത്തിലായിരിക്കുമെന്നും മന്ത്രി അറിയിച്ചു. ശബരിമലയുടെ ബേസ് ക്യാമ്പായ നിലക്കലില് 205 കെഎസ്ആര്ടിസി ജീവനക്കാര്ക്ക് താമസ സൗകര്യം ഒരുക്കിയിട്ടുണ്ടെന്ന് ദേവസ്വം ബോര്ഡ് പ്രസിഡന്റ് അഡ്വ. കെ അനന്തഗോപന് പറഞ്ഞു.
ഈ വാര്ത്ത കൂടി വായിക്കൂ 'എല്ലാ അധികാരങ്ങളും തനിക്കാണെന്ന് ശുംഭന്മാര് വിചാരിച്ചാല് എന്തുചെയ്യാന് പറ്റും?'; ഗവര്ണറെ കടന്നാക്രമിച്ച് കാനം
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates