കൊച്ചി: തൊടുപുഴ ന്യൂമാന് കോളജ് അധ്യാപകനായിരുന്ന ടി ജെ ജോസഫിന്റെ കൈവെട്ടിയ കേസിലെ ഒന്നാം പ്രതി അശമന്നൂര് സവാദിനെ ജനുവരി 24 വരെ ജുഡീഷ്യല് കസ്റ്റഡിയില് വിട്ടു. പ്രതിയെ എറണാകുളം സബ് ജയിലിലേക്ക് മാറ്റും. സവാദിനെ ചോദ്യം ചെയ്യേണ്ടത് അനിവാര്യമാണെന്ന് എന്ഐഎ കോടതിയെ അറിയിച്ചു.
സവാദിനെ ചോദ്യം ചെയ്ത് കേസിന് പിന്നിലുള്ള ഗൂഢാലോചന കണ്ടെത്തേണ്ടതുണ്ട്. ഇത്രയും നാള് ഇയാളെ ഒളിവില് കഴിയാന് സഹായിച്ചത് ആരൊക്കെയെന്ന് കണ്ടെത്തണമെന്നും എന്ഐഎ പറഞ്ഞു. പോപ്പുലര് ഫ്രണ്ട് നേതാക്കളുടെ സഹായത്തോടെയാണ് സവാദ് 13 വര്ഷം ഒളിവില് കഴിഞ്ഞതെന്നും എന്ഐഎ കോടതിയെ അറിയിച്ചു.
സവാദിന്റെ വീട്ടില് നടത്തിയ പരിശോധനയില് രണ്ട് മൊബൈല് ഫോണുകളും ഒരു സിം കാര്ഡും പിടികൂടി. ഇയാളെ സംബന്ധിച്ച ചില വ്യക്തിവിവരങ്ങളും കണ്ടെത്തിയിട്ടുണ്ട്. തിരിച്ചറിയല് പരേഡിന് ശേഷം വൈകാതെ ഇയാളെ കസ്റ്റഡിയില് വാങ്ങും.
കഴിഞ്ഞ ദിവസം രഹസ്യവിവരത്തിന്റെ അടിസ്ഥാനത്തില് കണ്ണൂരില് നടത്തിയ അന്വേഷണത്തിലാണ് പ്രതി പിടിയിലായത്. അധ്യാപകന്റെ കൈപ്പത്തി മഴു കൊണ്ട് വെട്ടിമാറ്റിയത് പോപ്പുലര് ഫ്രണ്ട് പ്രവര്ത്തകനായ അശമന്നൂര് ഓടക്കാലി സ്വദേശിയായ സവാദാണ്. മഴുവും കൊണ്ട് സവാദ് രക്ഷപ്പെടുകയായിരുന്നു.
കേസില് പിടിയിലായ പ്രതികളുടെ ശിക്ഷ കഴിഞ്ഞവര്ഷം ജൂലൈയിലാണ് കോടതി വിധിച്ചത്. കുറ്റക്കാരെന്ന് കണ്ടെത്തിയ ആറ് പ്രതികളില് മുഖ്യപ്രതികളായ പ്രതികളായ സജില്, എം കെ നാസര്, നജീബ് എന്നിവര്ക്ക് ജീവപര്യന്തം തടവ് ശിക്ഷ വിധിച്ചു. 9, 11, 12 പ്രതികളായ നൗഷാദിനും മൊയ്തീന് കുഞ്ഞിനും അയൂബിനും 3 വര്ഷം വീതം തടവിനും ശിക്ഷിച്ചു.
എല്ലാം പ്രതികളും ചേര്ന്ന് ടി ജെ ജോസഫിന് നാലു ലക്ഷം രൂപ കൊടുക്കണമെന്നും കോടതി നിര്ദ്ദേശിച്ചു. വിവിധ വകുപ്പുകളിലായി ആദ്യ മൂന്ന് പ്രതികള് 2 ലക്ഷത്തി 85,000 പിഴ നല്കണമെന്നും അവസാന മൂന്ന് പ്രതികള് 20,000 രൂപയും പിഴ നല്കണമെന്നും വിധിച്ചിരുന്നു. നേരത്തെ പ്രഖ്യാപിച്ച പിഴ ശിക്ഷയ്ക്ക് പുറമെയാണിത്. കൊച്ചിയിലെ എന് ഐ എ കോടതിയാണ് വിധി പ്രസ്താവിച്ചത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്തി. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates