കല്പ്പറ്റ: ഈ മാസം 13 ന് വയനാട് ജില്ലയില് ഹര്ത്താല് പ്രഖ്യാപിച്ചു. കാര്ഷിക സംഘടനകളുടെ നേതൃത്വത്തില് ചേര്ന്ന യോഗത്തിലാണ് ഹര്ത്താലിന് ആഹ്വാനം ചെയ്തത്. വയനാട്ടില് വന്യജീവി ആക്രമണം തുടര്ക്കഥയാകുന്ന സാഹചര്യത്തിലും കഴിഞ്ഞ ദിവസം കര്ഷകന് അജീഷിനെയും ആന കുത്തികൊന്ന സാഹചര്യത്തിലും ജനങ്ങള്ക്ക് വേണ്ട സുരക്ഷ സര്ക്കാര് ഒരുക്കുന്നില്ലെന്ന് ചൂണ്ടിക്കാട്ടിയാണ് ഹര്ത്താല്.
ചൊവ്വാഴ്ച രാവിലെ 6 മണി മുതല് വൈകീട്ട് 6 മണി വരെയാണ് ഹര്ത്താല്. നിര്ബന്ധിച്ച് കടകള് അടപ്പിക്കാനോ വാഹനം തടയാനോ തങ്ങള് മുതിരില്ലെന്നും മനഃസാക്ഷി മരവിക്കാത്തവര് ഹര്ത്താലിനോട് സഹകരിക്കണമെന്നും കര്ഷക സംഘടനകള് പറഞ്ഞു.
വയനാട്ടില് കര്ഷക സംഘടനകള് കഴിഞ്ഞ നാല് വര്ഷക്കാലമായി വയനാട്ടില് സമരവും പ്രതിഷേധവും നടത്തുകയാണ്. എന്നിട്ടും ഭരണകൂടം മുഖം തിരിക്കുകയാണെന്ന് സംഘടനകള് ആരോപിച്ചു. അഞ്ച് ലക്ഷം രൂപയാണ് വയനാട്ടിലെ ജനങ്ങള്ക്കിട്ടിരിക്കുന്ന വിലയെന്നും സംഘടനാ പ്രതിനിധികള് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates