കൊച്ചി: ശബരിമലയിലേക്ക് അധിക സര്വീസുകള് നടത്താന് കെഎസ്ആര്ടിസിക്ക് ഹൈക്കോടതിയുടെ നിര്ദേശം. പമ്പയിലെയും നിലക്കലിലെയും തിരക്കു കുറയ്ക്കാന് നടപടി വേണമെന്നും കോടതി ആവശ്യപ്പെട്ടു. വിഷയത്തില് സ്വമേധയാ ഇടപെട്ടാണ് ഹൈക്കോടതി നിര്ദേശങ്ങള് നല്കിയത്.
ഇത് സംബന്ധിച്ച് പത്തനംതിട്ട ജില്ലാ കലക്ടര്ക്കും ജില്ലാ പൊലീസ് മേധാവിക്കും തിരുവിതാംകൂര് ദേവസ്വം ബോര്ഡിനും ഹൈക്കോടതി നിര്ദേശം നല്കി. അധികബസ് സര്വീസ് അനുവദിക്കുന്ന കാര്യത്തില് അടിയന്തരമായി തീരുമാനമുണ്ടാകമെന്നും കോടതി പറഞ്ഞു.
തിരക്കു കാരണം ശബരിമലയിലെത്തുന്ന മുതിര്ന്നവര്ക്കും ഭിന്നശേഷിക്കാര്ക്കും ഇത് വലിയ ബുദ്ധിമുട്ട് സൃഷ്ടിക്കുന്നു. ദൂരദേശങ്ങളില്നിന്നെത്തുന്ന യാത്രക്കാരെയും ഇത് വലിയ തോതില് വലയ്ക്കുന്നു. ഉള്ള ബസ്സുകളില്ത്തന്നെ തീര്ഥാടകരെ കുത്തിനിറച്ച് കൊണ്ടുപോകേണ്ട അവസ്ഥയുമാണ്. ഇതോടെയാണ് ഹൈക്കോടതി ഇക്കാര്യത്തില് അടിയന്തരമായ നടപടി ആവശ്യപ്പെട്ട് ഇടപെട്ടത്.
ഈ വാർത്ത കൂടി വായിക്കൂ മുല്ലപ്പെരിയാറില് ജലനിരപ്പ് 140 അടി; രണ്ടാമത്തെ മുന്നറിയിപ്പ് നല്കി തമിഴ്നാട്
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates