തിരുവനന്തപുരം; സ്ത്രീകളുടെ ചിത്രങ്ങൾ അശ്‌ളീല വീഡിയോയുമായി മോർഫ് ചെയ്തു കംപ്യൂട്ടറില്‍ സൂക്ഷിച്ച തന്ത്രിയെ നാട്ടുകാർ പിടികൂടി പൊലീസിനെ ഏൽപ്പിച്ചു. മൈലോട്ടു മൂഴി മൊട്ടമൂഡ് ദ്വാരക ജോതിഷാലയം നടത്തുന്ന നെയ്യാറ്റിൻകര മഞ്ചവിളാകം വിഷ്ണു പോറ്റിയാണ് അറസ്റ്റിലായത്. 

ജ്യോതിഷാലയത്തിൽ എത്തുന്ന സ്ത്രീകളുടെ ഫോട്ടോകളും ഫേസ് ബുക്കില്‍ നിന്ന് ശേഖരിക്കുന്ന ചിത്രങ്ങളുമാണ് ഇയാള്‍ മോര്‍ഫ് ചെയ്തിരുന്നത്. സ്ഥാപനത്തിൽ നിന്നു കിട്ടിയ മെമ്മറി കാർഡ് ശിഷ്യന്മാര്‍ പരിശോധിച്ചപ്പോഴാണ് തട്ടിപ്പ് കണ്ടെത്തിയത്. ഇയാളിൽ നിന്നും കണ്ടെടുത്ത പെൻഡ്രൈവ്, മെമ്മറികർഡുകൾ, ലാപ് ടോപ്പ്, മൊബൈൽ എന്നിവ ശാസ്ത്രീയ പരിശോധന നടത്തുമെന്ന് പോലീസ് അറിയിച്ചു.