തിരുവനന്തപുരം: ലൈഫ് മിഷന് പദ്ധതിയുടെ ഭാഗമായി നിര്മിച്ച വീടുകള്ക്ക് ഇന്ഷൂറന്സ് പരിരക്ഷ ഏര്പ്പെടുത്താന് തീരുമാനിച്ചതായി മുഖ്യമന്ത്രി പിണറായി വിജയന്. ഓരോ വീടിനും 4 ലക്ഷം രൂപ വരെ ഇന്ഷൂറന്സ് പരിരക്ഷ ലഭിക്കും. സംസ്ഥാന ഇന്ഷൂറന്സ്
വകുപ്പ് പൊതുമേഖലാ ഇന്ഷ്വറന്സ് കമ്പനിയായ യുണൈറ്റഡ് ഇന്ഷ്വറന്സ് കമ്പനിയുമായി ചേര്ന്നാണ് ഇത് നടപ്പാക്കുന്നത്.
ആദ്യ മൂന്നുവര്ഷത്തേക്കുള്ള പ്രീമിയം സര്ക്കാര് അടയ്ക്കും. 2,50,547 വീടുകള്ക്ക് 8.74 കോടി രൂപയാണ് മൂന്നുവര്ഷത്തേക്ക് പ്രീമിയമായി വരുന്നത്. മൂന്നു വര്ഷത്തിനു ശേഷം ഗുണഭോക്താവിന് നേരിട്ട് ഇന്ഷ്വറന്സ് പുതുക്കാം.
ലൈഫ് മിഷനില് മൂന്നാം ഘട്ടത്തിലേയും അഡീഷണല് ലിസ്റ്റിലേയും ഗുണഭോക്താക്കള്ക്ക് വീട് നിര്മിക്കുന്നതിന് ഹഡ്കോയില് നിന്ന് 1500 കോടി രൂപ വായ്പ എടുക്കുന്നതിന് അനുമതി നല്കാന് തീരുമാനിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates