കാലടി സര്‍വകലാശാലയില്‍ സസ്‌പെന്‍ഷനിലായ വിദ്യാര്‍ത്ഥികള്‍ നല്‍കിയ ഹര്‍ജി ഹൈക്കോടതി ഇന്ന് പരിഗണിക്കും. ഓട്ടോ-ടാക്സി പണിമുടക്ക് ഇന്ന് അർധരാത്രി മുതൽ. യുഎസ് പ്രതിരോധ സെക്രട്ടറി പീറ്റ് ഹെഗ്‌സേത്തിനെതിരായ ഇംപീച്ച്‌മെന്റ് പ്രമേയം പരാജയപ്പെട്ടു. ഇന്നത്തെ 5 പ്രധാന വാർത്തകൾ ( Top 5 News Today ) അറിയാം

ഓട്ടോ ടാക്സി നിരക്ക് വർധന ആവശ്യപ്പെട്ട് സംസ്ഥാനത്ത് ബുധനാഴ്ച അർധരാത്രി മുതൽ 24 മണിക്കൂർ സൂചനാപണിമുടക്ക്‌ നടത്തും. ഓട്ടോ-ടാക്സി സംയുക്ത ട്രേഡ് യൂണിയൻ സമിതിയുടെ ആഭിമുഖ്യത്തിലാണ് പണിമുടക്ക്. മിനിമം നിരക്ക് പുതുക്കി നിശ്ചയിക്കണമെന്നാണ് പ്രധാന ആവശ്യം. സമരക്കാരുമായി ഇന്ന് ഉച്ചയ്ക്ക് ​ഗതാ​ഗതമന്ത്രി സി പി ജോൺ ചർച്ച നടത്തും.

കാലടി സര്‍വകലാശാലയില്‍ സസ്‌പെന്‍ഷനിലായ വിദ്യാര്‍ത്ഥികള്‍ നല്‍കിയ ഹര്‍ജി ഹൈക്കോടതി ഇന്ന് പരിഗണിക്കും. കേസില്‍ വാദം കേള്‍ക്കുന്ന തീയതി ഹൈക്കോടതി സിംഗിള്‍ ബെഞ്ച് ഇന്ന് പ്രസ്താവിച്ചേക്കും.16 വിദ്യാര്‍ത്ഥികള്‍ക്കെതിരായ സസ്‌പെന്‍ഷന്‍ നടപടി പിന്‍വലിക്കുക, പരീക്ഷ എഴുതാന്‍ അനുവദിക്കുക തുടങ്ങിയ ആവശ്യങ്ങളാണ് ഹര്‍ജിയില്‍ മുന്നോട്ടുവെച്ചിട്ടുള്ളത്. 

അമേരിക്കന്‍ പ്രതിരോധ സെക്രട്ടറി പീറ്റ് ഹെഗ്‌സേത്തിനെതിരായ ഇംപീച്ച്‌മെന്റ് പ്രമേയം ജനപ്രതിനിധി സഭയില്‍ പരാജയപ്പെട്ടു. 204 നെതിരെ 211 വോട്ടുകള്‍ക്കാണ് പ്രമേയം പരാജയപ്പെട്ടത്. പ്രമേയം ജുഡീഷ്യറി കമ്മിറ്റിക്ക് വിട്ടു. ഇടക്കാല തെരഞ്ഞെടുപ്പില്‍ കനത്ത തിരിച്ചടി നേരിട്ട ട്രംപ് ഭരണകൂടത്തിന്, ഹെഗ്‌സേത്തിനെതിരായ ഇംപീച്ച്‌മെന്റ് പ്രമേയം പരാജയപ്പെട്ടത് വലിയ ആശ്വാസമാണ്.

 ദേശീയ സുരക്ഷാ ഉപദേഷ്ടാവ് അജിത് ഡോവൽ, റോ മുൻ മേധാവി സാമന്ത് ഗോയൽ തുടങ്ങിയ ഉദ്യോഗസ്ഥർക്കെതിരെ ഖലിസ്ഥാൻ നേതാവ് ഗുർപർവന്ത് സിങ് പന്നു നൽകിയ കേസിൽ ഇന്ത്യയ്ക്ക് സമൻസ്. യുഎസ് സ്റ്റേറ്റ് ഡിപ്പാർട്ട്‌മെന്റ് ആണ് ഇന്ത്യയ്ക്ക് സമൻസ് കൈമാറിയത്. വാഷിങ്ടണിലെ ഇന്ത്യൻ എംബസിക്ക് ഒക്ടോബർ ഒൻപതിന് ആണ് സമൻസ് നൽകിയത്.

തൊഴിൽരംഗത്ത് പുതിയ ഉത്തരവാദിത്വങ്ങൾ ഏറ്റെടുക്കേണ്ടിവരും. വിവാഹാലോചനകളിൽ അനുകൂലമായ പുരോഗതിയുണ്ടാകും. സാമ്പത്തിക ഇടപാടുകളിൽ ശ്രദ്ധ പുലർത്തുക. ജോലിയിൽ സ്ഥാനമാറ്റത്തിനോ സ്ഥലംമാറ്റ ത്തിനോ സാഹചര്യമുണ്ടാകും. ബന്ധുക്കളിൽ നിന്ന് സഹായം ലഭിക്കും. ആരോഗ്യകാര്യങ്ങളിൽ കൂടുതൽ ശ്രദ്ധ ആവശ്യമാണ്.