കൊച്ചി: കളമശേരിയിൽ അപകടത്തിൽപ്പെട്ട ടാങ്കർ ലോറി ഉയർത്തി. വാതക ചോർച്ചയിൽ ആശങ്ക വേണ്ടെന്ന് പൊലീസ് അറിയിച്ചു. നേ​രി​യ രീ​തി​യി​ലു​ണ്ടാ​യ വാ​ത​ക​ച്ചോ​ർ​ച്ച ആ​ശ​ങ്ക സൃ​ഷ്ടി​ച്ചെ​ങ്കി​ലും ആ​റു ​മ​ണി​ക്കൂ​റെ​ടു​ത്ത് അ​ത് പ​രി​ഹ​രി​ക്കു​ക​യാ​യി​രു​ന്നു. വാഹനം ഉയർത്തുന്നതിനിടയിലാണ് ഇന്ധനം ചോർന്നത്. ഇന്ന് പുലർച്ചെയോടെയാണ് ടാങ്കറിന്‍റെ ചോർച്ച അടക്കാനായത്.

ബു​ധ​നാ​ഴ്ച രാ​ത്രി​ ഇ​രു​മ്പ​ന​ത്തു നി​ന്നു വ​രു​ക​യാ​യി​രു​ന്ന ബു​ള്ള​റ്റ് ടാ​ങ്ക​ർ ക​ള​മ​ശേ​രി ടി​വി​എ​സ് ജം​ഗ്ഷ​നി​ൽ വ​ച്ച് മീ​ഡി​യ​നി​ൽ ഇ​ടി​ച്ച് മറിയുകയായിരുന്നു. വാ​ഹ​ന​ത്തി​ൽ ഡ്രൈവർ മാ​ത്ര​മാ​ണ് ഉ​ണ്ടാ​യി​രു​ന്ന​ത്. ഇ​ദ്ദേ​ഹം പ​രി​ക്കേ​ൽ​ക്കാ​തെ ര​ക്ഷ​പ്പെ​ട്ടു. അ​പ​ക​ട​ത്തെ തു​ട​ർ​ന്ന് മേ​ഖ​ല​യി​ൽ വ​ൻ ഗ​താ​ഗ​ത​ക്കു​രു​ക്ക് അ​നു​ഭ​വ​പ്പെ​ട്ടിരുന്നു.

ഉഡുപ്പിയില്‍ മലയാളി തീര്‍ത്ഥാടകര്‍ സഞ്ചരിച്ച കാര്‍ അപകടത്തില്‍പ്പെട്ടു; 7 പേര്‍ക്ക് പരിക്ക്

അപായ സാധ്യത കണക്കിലെടുത്ത് പൊലീസ് ​ഗതാ​ഗതം നിയന്ത്രിക്കുകയും ചെയ്തു. ഇന്ന് പുലർച്ചെ അഞ്ച് മണിയോടെ ലോറി ഉയർത്തി ​ഗതാ​ഗതം പുനഃസ്ഥാപിച്ചു. 18 ടൺ പ്രൊപിലീൻ ഗ്യാസാണ് ലോറിയിൽ ഉണ്ടായിരുന്നത്. ബിപിസിഎല്ലിൽ നിന്ന് വിദഗ്ധ സംഘം എത്തിയ ശേഷം ടാങ്കറിലെ വാതകം മറ്റൊരു ടാങ്കറിലേക്ക് മാറ്റും. ഫയർഫോഴ്സും പൊലീസും ചേർന്നായിരുന്നു രക്ഷാപ്രവർത്തനം.