കണ്ണൂര്‍: കണ്ണൂരില്‍ ഇരിട്ടിക്കടുത്ത് ബോംബ് പൊട്ടി കുട്ടികള്‍ക്ക് പരിക്കേറ്റു.ഒന്നരയും അഞ്ചും വയസ്സുള്ള കുട്ടികള്‍ക്കാണ് പരിക്കേറ്റത്. ആളൊഴിഞ്ഞ പറമ്പില്‍ നിന്നും കിട്ടിയ ഐസ്‌ക്രീം ബോംബാണ് പൊട്ടിയാണ് പരിക്കേറ്റത്.

ബോളാണെന്ന് കരുതി ഐസ്‌ക്രീം കപ്പ് വീട്ടില്‍കൊണ്ടുവന്ന് കുട്ടികള്‍ തുറക്കുന്നതിനിടെയാണ് അപകടം. അഞ്ച് വയസുകാരന്‍ മുഹമ്മദ് അമീന് നെഞ്ചിലും കാലിലും ബോംബിന്റെ ചീളുകള്‍ പതിച്ചാണ് ഗുരുതരമായി പരിക്കേറ്റത്. അനിയനായ ഒന്നരവയസുകാരന്റെ പരിക്ക് ഗുരുതരമല്ല. 

തെരഞ്ഞെടുപ്പ് സമയത്ത് രാഷ്ട്രീയ സംഘര്‍ഷങ്ങള്‍ ഉണ്ടാകാറുള്ള സ്ഥലമാണിത്.ബിജെപി, എസ്ഡിപിഐ, സിപിഎം ശക്തികേന്ദ്രമാണ് സംഭവസ്ഥലം. സംഭവത്തില്‍ പൊലീസ് അന്വേഷണം ആരംഭിച്ചു