തിരുവനന്തപുരം: ബിജെപിയില് ചേര്ന്ന സ്മിത സുന്ദരേശനെ സിപിഎം പാര്ട്ടിയില് നിന്നു പുറത്താക്കി. വര്ക്കല ബ്ലോക്ക് പഞ്ചായത്ത് അംഗവും മുന് പ്രസിഡന്റും സിപിഎം ഏരിയ കമ്മിറ്റി അംഗവുമായിരുന്നു സ്മിത. തിരുവനന്തപുരത്തെ പ്രമുഖ സിപിഎം നേതാവിയിരുന്ന സുന്ദരേശന്റെ മകളാണ്.
സിപിഎം വിട്ട് ബിജെപിയില് ചേര്ന്ന സ്മിത നിയമസഭാ തെരഞ്ഞെടുപ്പില് വര്ക്കല മണ്ഡലത്തില് ബിജെപി സ്ഥാനാര്ഥിയായി മത്സരത്തിനും ഇറങ്ങും. നേരത്തെ സംസ്ഥാന അധ്യക്ഷന് രാജീവ് ചന്ദ്രശേഖര് സ്മിതയെ ഷാളണിയിച്ച് ബിജെപിയിലേക്ക് സ്വീകരിച്ചിരുന്നു. സ്മിത ബിജെപിയിലേക്ക് എത്തിയതോടെ ബിഡിജെഎസില് നിന്ന് വര്ക്കല മണ്ഡലം ബിജെപിക്ക് തിരിച്ചു നല്കും.
സിപിഎം നേരിടുന്ന മൂല്യച്യുതിയാണ് തന്നെ ബിജെപിയിലേക്ക് എത്തിച്ചതെന്ന് സ്മിത നേരത്തെ പറഞ്ഞിരുന്നു. മോദിജി നാടിന് നല്കുന്ന സമാനതകളില്ലാത്ത വികസന പ്രവര്ത്തനങ്ങളാണ് തന്നെ ബിജെപിയിലേക്ക് ആകര്ഷിച്ചത്. സിപിഎമ്മില് സ്വജനപക്ഷപാതമാണ് നടക്കുന്നതെന്നും സംഘടനാ ചട്ടങ്ങള് കാറ്റില്പ്പറത്തുന്ന പോക്കാണ് പാര്ട്ടിയിലുള്ളതെന്നും സ്മിത പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates