കൊച്ചി: സംസ്ഥാനത്തെ റേഷൻ കടകൾ വഴിയുള്ള ജൂൺ മാസത്തെ സൗജന്യ ഭക്ഷ്യ കിറ്റ് വിതരണം നാളെ അവസാനിക്കും. ഓണക്കിറ്റ് വിതരണം 31ന് ആരംഭിക്കാൻ തീരുമാനിച്ചതിനാലാണു ജൂൺ കിറ്റ് വിതരണം നാളെ അവസാനിപ്പിക്കുന്നത്. ജൂൺ 10ന് വിതരണം ആരംഭിച്ച ശേഷം ആകെയുള്ള 90.67 ലക്ഷം കാർഡ് ഉടമകളിൽ 78.27 ലക്ഷം പേർക്കാണ് ഇതുവരെ കിറ്റ് നൽകിയത്. 

ഓണക്കിറ്റ് ഈ മാസം 31 മുതൽ ഓ​ഗസ്റ്റ് 2വരെ മഞ്ഞ കാർഡ് ഉടമകൾക്കും (എഎവൈ), ഓ​ഗസ്റ്റ് നാല് മുതൽ ഏഴ് വ‌രെ പിങ്ക് കാർഡുകാർക്കും (പിഎച്ച്എച്ച്), ഒൻപത് മുതൽ 12 വരെ നീല കാർഡുകാർക്കും (എൻപിഎസ്) 13 - 16 വരെ വെള്ള കാർഡുകാർക്കുമാണ് വിതരണം ചെയ്യുക.