വഖഫ് ബോര്‍ഡ് പുനഃസംഘടിപ്പിച്ച് സംസ്ഥാന സര്‍ക്കാര്‍. മുസ്ലീം ലീഗ് നേതാവ് എംസി മായിന്‍ഹാജിയാണ് പുതിയ ചെയര്‍മാന്‍. ബോര്‍ഡില്‍ ഒന്‍പത് അംഗങ്ങളാണ് ഉള്ളത്. അമുസ്ലീം അംഗങ്ങളെ നാമനിര്‍ദേശം ചെയ്തില്ല.. മുഖ്യ തെരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിനെതിരായ പ്രതിഷേധത്തില്‍ കസ്റ്റഡിയിലെടുത്ത ഐസ ദേശീയ അധ്യക്ഷ നേഹ ബോറയെ ഡല്‍ഹി പൊലീസ് വിട്ടയച്ചു. വെള്ളിയാഴ്ച രാത്രി കസ്റ്റഡിയിലെടുത്ത നേഹയെ ആര്‍കെ പുരം പൊലീസ് സ്റ്റേഷനിലാണ് പാര്‍പ്പിച്ചിരുന്നത്. നടപടിക്രമങ്ങള്‍ പൂര്‍ത്തിയാക്കി ശനിയാഴ്ച രാവിലെയാണ് ഇവരെ മോചിപ്പിച്ചത്.. തുലാമാസപൂജയ്ക്ക് ശബരിമല അയ്യപ്പ ക്ഷേത്രനട ഇന്ന് തുറക്കും. മുഖ്യമന്ത്രി വിഡി സതീശന്‍, മന്ത്രി കെ മുരളീധരന്‍ എന്നിവര്‍ ശബരിമല ദര്‍ശനത്തിനെത്തും. രാവിലെ 11നു പമ്പയിലെ അവലോകന യോഗത്തിനു ശേഷമാണു ഇരുവരും ശബരിമല ദര്‍ശനം നടത്തുക. രാത്രിയില്‍ സന്നിധാനത്തു തങ്ങിയ ശേഷം നാളെയാകും മലയിറങ്ങുക..കേരളത്തില്‍ അടുത്ത നാലുദിവസം മഴ കനക്കുമെന്ന് കേന്ദ്ര കാലാവസ്ഥാവകുപ്പ്. ലക്ഷദ്വീപിന്റെ വടക്കന്‍ ഭാഗങ്ങള്‍ക്കും സമീപ പ്രദേശങ്ങള്‍ക്കും മുകളിലായി ചക്രവാതച്ചുഴി തുടരുന്നു.തമിഴ്‌നാടിനും തെക്കന്‍ തീരദേശ ആന്ധ്രാപ്രദേശിനും സമീപ പ്രദേശങ്ങള്‍ക്കും മുകളിലായി ചക്രവാതച്ചുഴി സ്ഥിതി ചെയ്യുന്നുണ്ട്..അഞ്ച് മത്സരങ്ങളുള്ള ടി20 പരമ്പരയിലെ അവസാന പോരാട്ടത്തില്‍ ഇന്ന് വെസ്റ്റ് ഇന്‍ഡീസിനെ നേരിടാനൊരുങ്ങുന്ന ഇന്ത്യയ്ക്ക് തന്ത്രങ്ങള്‍ പാടേ മാറ്റിയെഴുതേണ്ടിവരും. പരമ്പരയില്‍ ഇരു ടീമുകളും 2-2 എന്ന നിലയില്‍ ഒപ്പത്തിനൊപ്പമാണ്. ബംഗളൂരുവിലെ ചിന്നസ്വാമി സ്റ്റേഡിയത്തില്‍ വൈകിട്ട് 7 മണിക്കാണ് നിര്‍ണായക മത്സരം..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates