തൃശൂർ: കോവിഡ് സാഹചര്യത്തിൽ സിപിഎം ജില്ലാ സമ്മേളനം നടത്താൻ കലക്ടർ അനുമതി നൽകിയതിൽ പ്രധിഷേധിച്ച്  കെഎസ്‌യു തൃശൂർ കലക്ടറേറ്റിനു മുന്നിൽ പ്രധിഷേധ തിരുവാതിരക്കളി സംഘടിപ്പിച്ചു. സിപിഎം തൃശൂർ ജില്ല സമ്മേളനം നടന്നുകൊണ്ടിരിക്കുമ്പോൾ തന്നെയാണ് പ്രതിഷേധം സംഘടിപ്പിച്ചത്.

കെഎസ്‌യു തൃശൂർ നിയോജക മണ്ഡലം കമ്മിറ്റിയുടെ നേതൃത്വത്തിലാണ് പ്രതിഷേധ തിരുവാതിര  നടത്തിയത്. കോവിഡ് പ്രോട്ടോക്കോളുകൾ പാലിച്ചാണ് തിരുവാതിര സംഘടിപ്പിച്ചത്. 

യൂത്ത് കോൺഗ്രസ് സംസ്ഥാന ജനറൽ സെക്രട്ടറി ശോഭ സുബിൻ പ്രധിഷേധം ഉദ്ഘാടനം ചെയ്തു. ഭരണഘടന സ്ഥാപനങ്ങളെ സിപിഎം തങ്ങൾക്കനുകൂലമായി രാഷ്ട്രീയവത്കരിക്കുകയാണെന്ന് ശോഭ സുബിൻ ആരോപിച്ചു. തൃശൂർ ജില്ലാ കലക്ടർ എകെജി സെൻ്ററിൽ നിന്നുള്ള ഉത്തരവനുസരിച്ചാണ് പ്രവർത്തിക്കുന്നതെന്നും അദ്ദേഹം ആരോപിച്ചു.