കോട്ടയം: എംജി സർവകലാശാല തിങ്കളാഴ്ച ( ഒക്ടോബർ 03) നടത്താൻ നിശ്ചയിച്ചിരുന്ന എല്ലാ പരീക്ഷകളും മാറ്റി വച്ചതായി പരീക്ഷാ കൺട്രോളർ അറിയിച്ചു. പുതിയ തീയതി പിന്നീട് അറിയിക്കും.

നവരാത്രിയോട് അനുബന്ധിച്ച് സംസ്ഥാനത്തെ പ്രൊഫഷനല്‍ കോളജുകള്‍ ഉള്‍പ്പെടെ എല്ലാ വിദ്യാഭ്യാസ സ്ഥാപനങ്ങള്‍ക്കും ഒക്ടോബര്‍ മൂന്നിന് 
സർക്കാർ അവധി പ്രഖ്യാപിച്ചിരുന്നു. 

സ്പോട്ട് അഡ്മിഷൻ

സ്‌കൂൾ ഓഫ് കെമിക്കൽ സയൻസസ് നടത്തുന്ന എം.ടെക് പോളിമെർ  സയൻസ് ആന്റ് ടെക്നോളജി(2022 24) കോഴ്സിൽ ഒഴിവുള്ള ഒൻപത് സീറ്റുകളിലേക്ക് ഒക്ടോബർ 12ന് സ്പോട്ട് അഡ്മിഷൻ നടത്തും. താത്പര്യമുള്ളവർ യോഗ്യതാ രേഖകളുടെ അസ്സലുമായി അന്ന് വൈകുന്നേരം നാലിനു മുൻപ് വകുപ്പിൽ എത്തണമെന്ന് സർവകലാശാല അധികൃതർ അറിയിച്ചു.

രജിസ്റ്റർ ചെയ്യുന്ന അപേക്ഷകരിൽനിന്നും മെറിറ്റ് അടിസ്ഥാനത്തിലാണ് പ്രവേശനം നൽകുക. എൻ.എസ്.എസ്, എൻ.സി.സി, എക്സ് സർവീസ് സർട്ടിഫിക്കറ്റ് ഉള്ളവർക്ക് വെയിറ്റേജ് മാർക്ക് ലഭിക്കും. വിശദവിവരങ്ങൾ സർവകലാശാല വെബ്സൈറ്റിൽ. ഫോൺ- 0481 2731036. മൊബൈൽ- 9645298272. ഇമെയിൽ - office.scs@mgu.ac.in

ഈ വാർത്ത കൂടി വായിക്കൂ 

സ്‌കൂള്‍ കായികമേള ഡിസംബര്‍ മൂന്നുമുതല്‍ തിരുവനന്തപുരത്ത്;  കലോത്സവം ജനുവരി മൂന്നു മുതല്‍ കോഴിക്കോട് 

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ