തൃശൂര്‍: ദേശീയപാതയിലെ അടിപ്പാത നിര്‍മ്മാണ പ്രശ്‌നങ്ങള്‍ ചര്‍ച്ച ചെയ്യുന്നതിന് പ്രൊജക്റ്റ് ഡയറക്ടര്‍ എത്താത്തില്‍ പ്രതിഷേധിച്ച് പകരം എത്തിയ ഉദ്യോഗസ്ഥനെ എല്‍ഡിഎഫ് ജനപ്രതിനിധികളും പ്രവര്‍ത്തകരും ചേര്‍ന്ന് തടഞ്ഞുവച്ചു.
മുരിങ്ങൂര്‍ കൊരട്ടി അടിപ്പാത നിര്‍മ്മാണ പ്രശ്‌നത്തില്‍ ജനപ്രതിനിധികളുമായി ചര്‍ച്ച വിളിച്ചെങ്കിലും ചര്‍ച്ചയ്ക്ക് എത്തിയത് പ്രൊജക്റ്റ് ഓഫീസര്‍ മാത്രമായിരുന്നു. ഇതില്‍ പ്രതിഷേധിച്ചാണ് ചാലക്കുടി ഗസ്റ്റ് ഹൗസില്‍ ഇയാളെ എല്‍ഡിഎഫ് ജനപ്രതിനിധികള്‍ തടഞ്ഞുവെച്ചത്.
സംഭവമറിഞ്ഞ് പൊലീസ് എത്തിയെങ്കിലും പൊലീസിനെയും പ്രവര്‍ത്തകര്‍ അടുപ്പിച്ചില്ല. പ്രോജക്ട് ഡയറക്ടര്‍ എത്താതെ ഇയാളെ വിട്ടയക്കില്ലെന്ന നിലപാടിലായിരുന്നു ജനപ്രതിനിധികളും പ്രവര്‍ത്തകരും. ഒടുവില്‍ ചാലക്കുടിയില്‍ വച്ച് കൂടിക്കാഴ്ച നടത്താമെന്ന് പ്രോജക്ട് ഡയറക്ടര്‍ ഉറപ്പുനല്‍കിയതിന് പിന്നലെയാണ് പ്രവര്‍ത്തകള്‍ പിന്മാറിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates