തിരുവനന്തപുരം: പുതുവത്സരാഘോഷത്തിനിടെ അനിഷ്ട സംഭവങ്ങള്‍ ഉണ്ടാവാതിരിക്കാന്‍ കോഴിക്കോട്ടും തലസ്ഥാന നഗരിയിലും നിയന്ത്രണം. തിരുവനന്തപുരം നഗരത്തില്‍ ത്രിതല സുരക്ഷാ സംവിധാനമാണ് ഒരുക്കുക.
തിരുവനന്തപുരം നഗരത്തില്‍ നാളെ രാവിലെ മുതല്‍ കര്‍ശന വാഹന പരിശോധന ഉണ്ടാവും. വാഹനവുമായി ബന്ധപ്പെട്ട രേഖകള്‍ കൈവശം കരുതണം. 80 സ്ഥലങ്ങളാണ് ചെക്കിങ് പോയന്റുകളായി നിശ്ചയിച്ചിരിക്കുന്നത്. കോവളം ബീച്ചില്‍ സുരക്ഷ ശക്തമാക്കാന്‍ സ്‌പെഷ്യല്‍ കണ്‍ട്രോള്‍ റൂം സംവിധാനം ഒരുക്കും. ഡിജെ പാര്‍ട്ടികളെ നിരീക്ഷിക്കും. മയക്കുമരുന്ന് ഉപയോഗിക്കുന്നവര്‍ക്കെതിരെ കര്‍ശന നടപടി സ്വീകരിക്കുമെന്നും പൊലീസ് മുന്നറിയിപ്പ് നല്‍കി.
കോഴിക്കോട്ട് നഗരത്തിലും നിയന്ത്രണം ഏര്‍പ്പെടുത്തും. കോഴിക്കോട് ബീച്ചില്‍ നാളെ വൈകീട്ട് ആറുമണിക്ക് ശേഷം പുതുവത്സരാഘോഷം കഴിയുന്നത് വരെ വാഹനങ്ങള്‍ കടത്തിവിടില്ല. മൂന്ന് മണി മുതല്‍ ആറുമണിവരെ ഗതാഗതം ഭാഗികമായി നിയന്ത്രിക്കും.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates