കോഴിക്കോട്: നവജാത ശിശുവിന്റെ മൃതദേഹം തുണിയിൽ പൊതിഞ്ഞ നിലയിൽ പുഴയിൽ കണ്ടെത്തി. കൊയിലാണ്ടി നെല്ല്യാടി കളത്തിൻ കടവിലാണ് മൃത​ദേഹം കണ്ടെത്തിയത്. ഇന്ന് പുലർച്ചെ ഒന്നരയോടെ മത്സ്യബന്ധനത്തിനായി ഇറങ്ങിയവരാണ് ആദ്യം കണ്ടത്.

പൊക്കിൾക്കൊടി മുറിച്ചു മാറ്റാത്ത നിലയിലാണ് കുഞ്ഞിന്റെ ശരീരം. ജീർണിച്ചു തുടങ്ങിയ മൃതദേഹത്തിനു ഒരു ദിവസത്തിൽ കൂടുതൽ പഴക്കം സംശയിക്കുന്നു. മൃതദേഹം കണ്ട മത്സ്യത്തൊഴിലാളികൾ പ്രദേശത്തുള്ളവരല്ല. പിന്നാലെ ഇവർ നാട്ടുകാരെ വിവരം അറിയിക്കുകയായിരുന്നു.

വിവാഹ വാ​ഗ്ദാനം നൽകി സ്കൂൾ വിദ്യാർഥിനിയെ പീഡിപ്പിച്ചു; ​ഗർഭിണിയായപ്പോൾ വിദേശത്തേക്ക് മുങ്ങി, 26 കാരൻ പിടിയിൽ

കൊയിലാണ്ടി പൊലീസും ഫയർഫോഴ്സും സ്ഥലത്തെത്തി മൃതദേഹം കരയ്ക്കെത്തിച്ചു. കൊയിലാണ്ടി താലൂക്ക് ആശുപത്രിയിലേക്ക് മാറ്റി. സംഭവത്തിൽ വിശദമായ അന്വേഷണം നടത്തുമെന്നു പൊലീസ് വ്യക്തമാക്കി.